گلگت۔ 21 اکتوبر (اے پی پی) الیکشن کمیشن گلگت بلتستان اومیتدار آتے گچین کاری نشان الاٹ کرینے۔ پاکستان تحریک انصاف نا اومیتدار آتے بیٹ، پاکستان پیپلزپارٹی ءِ تیر، مسلم لیگ (ن) ءِ شیر، پاکستان مسلم لیگ (ق) ءِ ٹیکٹر، جمعیت علما اسلام (ف) ءِ کتاب و اسلامی تحریک پاکستان ءِ اِراتلوار آتا نشان الاٹ کننگانے۔ الیکشن کمیشن گلگت نا رداٹ اومیتدار آتا حتمی لسٹ و گچین کاری نشان تے جاری کننگانے وخت اس کہ گلگت بلتستان اسمبلی ٹی زالبول آتا 6 و ٹیکنوکریٹ آتا مسہ نشست آتیکن اولیتی لسٹ ہم جاری کننگانے۔ زالبول آتا 6 نشست آتیکن پاکستان تحریک انصاف نا 9، پاکستان پیپلزپارٹی نا 15، مسلم لیگ ن نا 5، جمعیت علماء اسلام نا 3، اسلامی تحریک پاکستان نا 10، ایم ڈبلیو ایم نا 2 و ق لیگ انا 4 اومیتدار آتا حتمی لسٹ ءِ جاری کننگانے۔ ہنداوڑ ٹیکنوکریٹ آتا 3 نشست آتیکن پاکستان تحریک انصاف نا 5، پاکستان پیپلزپارٹی نا 10، اسلامی تحریک پاکستان نا 9، ایم ڈبلیو ایم نا 3، جمعیت علماء اسلام نا مسہ و ق لیگ انا چار اومیتدار آتا حتمی لسٹ آتے جاری کننگانے۔
