اسلام آباد۔ 21 اکتوبر (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ بادشاہ نا سالم بابائے قوم انا مزار نا توہین ءِ کرے ولے اودے مون ءِ ڈکنگ نا ضرورت تمتو بلکن نن انا جلسہ ٹی چیہانٹ اٹ تقریر کرے ولدا کانود نا رداٹ مقدمہ درج مس۔ دزگیری مس۔ چارشنبے نادے آ اسہ ٹویٹ اسے ٹی اوپارے کہ دزگیری آن شاہی سالم نا توہین مس و سندھ انا شاہی خاہوت مون ءِ نشان تننگ نا قابل سلتو، اوپارے کہ پولیس نا ہم توہین مس، ہندا پولیس نا منہ آفیسر ہرا وڈیرہ تا پاننگ آ غریب آتے ذلیل کرسا کریر۔ ہراتم سپریم کورٹ اومنی گروپ نا ریکارڈ اٹ ردوبدل آ ہلک و سی پی او کراچی ءِ عہدہ غان اینک کرے ہوتم آ اوفتا توہین متو۔ اوپارے کہ پاکستان ءِ اینو فیصلہ کروئی ءِ کہ انت شاہی کاہوت آتا کانود جتا و لس الس نا کانود ءِ جتا کروئی ءِ۔ دا ظلم انا نظام ءِ، ہراڑے ذلیل ہم شاہی خاہوت کے و مظلوم ہم ہنداک مریر۔ ڈاکٹر شہباز گل پارے کہ جمہوریت نا پن آ دا مسخرہ ءِ بند کروئی تمک۔ کانود غٹ اکن اسٹ مریک و داڑآ عمل ہم مریک۔ انشاء اللہ ہندا پاکستان نا مزل ءِ۔ سٹیٹس آخیریکو ساہ ہلنگ ءِ الس ءِ مربوط مروئی مریک۔
