اسلام آباد۔ 21 اکتوبر (اے پی پی) نیشنل کمانڈ اینڈ آپریشن سینٹر (این سی او سی) کورونا دین انا بابت تازہ حساب وکتاب ءِ جاری کرینے۔ چارشنبے نادے آ این سی او سی آن جاری کروک حساب وکتاب نا رداٹ تدوک آ 24 گھنٹہ ٹی 660 بندغ آتا ٹیسٹ مثبت بس و 19 زہمی بندغ دا دین آن زوال کریر ہرافتیان 16 ناجوڑ ہسپتال آتیٹی وخت اس کہ 3 ناجوڑ اُراتیٹی قرنطینہ ٹی دا دین آن زوال کریر۔ تدوک آ 24 گھنٹہ ٹی کوویڈ۔ 19 نا 26 ہزار 670 ٹیسٹ کننگا ہرافتیان سندھ اٹی 7 ہزار 487، پنجاب اٹی 9 ہزار 386، خیبر پختونخوا ٹی 3 ہزار 707، اسلام آباد اٹی 3 ہزار 798، بلوچستان اٹی 1 ہزار 14، گلگت بلتستان اٹی 433، آزاد کشمیر اٹی 845 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 3 لکھ 8 ہزار 674مسنے۔ آزاد کشمیر و بلوچستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کوویڈ۔ 19 کن جتا 1 ہزار 884وینٹی لیٹر آتیا 88 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 9 ہزار 378ءِ۔ مچ آ ملک اٹی کورونا دین آن زہمی بندغ آتا کچ 3 لکھ 24 ہزار 744ءِ ہرافتیان آزاد کشمیر اٹی 3 ہزار 564، بلوچستان اٹی 15 ہزار 717، گلگت بلتستان اٹی 4 ہزار 91، اسلام آباد اٹی 18 ہزار 309، خیبرپختونخوا ٹی 38 ہزار 779، پنجاب اٹی 1 لکھ 1 ہزار 936 و سندھ اٹی 1 لکھ 42 ہزار 348 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 6 ہزار 692ءِ ہرافتیان سندھ اٹی 2ہزار 587 وخت اس کہ تدوک آ بیست ءُ چار گھنٹہ ٹی 3 ناجوڑ ہسپتال آتیٹی وخت اس کہ اسہ ناجوڑ اس اُراٹی قرنطینہ ٹی دا دین انا سوب آن زوال کرے، پنجاب اٹی 2 ہزار 319 مرک وخت اس کہ 8 ناجوڑ ہسپتال آتیٹی و 1 ناجوڑ اس اُراٹی قرنطینہ ٹی دا دین آن زوال کرے۔ خیبر پختونخوا ٹی 1 ہزار 265 مرک، اسلام آباد اٹی کل 199 مرک ہرافتیان تدوک آ بیست ءُچار گھنٹہ ٹی 4 ناجوڑ ہسپتال آتیٹی دا دین انا سوب آن زوال کریر۔ بلوچستان اٹی 148مرک، گلگت بلتستان اٹی 90مرک، آزاد کشمیر اٹی دا دین آن 84 مرک ہرافتیان تدوک آ بیست ءُ چار گھنٹہ ٹی اسہ ناجوڑ اس ہسپتال اٹی وخت اس کہ اسہ ناجوڑ اس اُراٹی قرنطینہ ٹی دا دین آن زوال کرے۔ داتم اسکان مچ آ ملک اٹی کوویڈ۔ 19 نا 41 لکھ 48 ہزار 739 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 735 ہسپتال آتیٹی 833 ناجوڑ درمان مننگ ءُ۔
