سیاسی ٹگّانی لُچی ءُ ٹگّی ءِ مول ءُ مراد وتی وہد ءَ کتگیں کرپشن ءَ را چیر دیئگ اِنت، حال ءُ اھیوال کاری ءُ شنگکاری ءِ بنجاہی وزیر سینیٹر شبلی فرازءِ ٹویٹ

اسلام آباد۔20اکتوبر (اے پی پی): حال ءُ اھیوال کاری ءُ شنگکاری ءِ بنجاہی وزیر سینیٹر شبلی فراز ءَ گشتگ کہ لھتیں روچ بیت کہ سیاسی ٹگّ یک پندلے سازگ ءَ اَنت کہ آئی ءِ مول ءُ مراد وتی وہداں کتگیں کرپشن ءَ را چیر دیئگ اِنت۔ سے شمبے ءِ روچءَ وتی ٹویٹ ءَ بنجاہی وزیر ءَگشتگ کہ اے مردم کتاکار اَنت ، ایشاں راجی حزانگ ءَ را لُٹ اِتگ۔ آئی ءَ گشتگ کہ اے مردم سرپد بباں کہ عمران خان ءَ را تنچ اِت ناکناں، ایشاں چہ یک یک پئی ءِ ہم حساب گِرگ بیت۔