وزیراعلیٰ سندھ انا پریس کانفرنس آن اسہ ہیت اس تو پک مس منہ شرپسند مخلوق ہرا ادارہ غاتا برخلاف ہرزہ سرائی کریرہ او دروغ ئسر، ڈاکٹر شہباز گل

اسلام آباد۔ 20 اکتوبر (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل وزیراعلیٰ سندھ انا پریس کانفرنس نا ردعمل اٹ پارینے کہ وزیراعلیٰ سندھ انا پریس کانفرنس آن اسہ ہیت اس تو پک مس منہ شرپسند مخلوق ہرا ادارہ غاتا برخلاف ہرزہ سرائی کریرہ او دروغ ئسر اوفک شرم کیر۔ ارٹ میکو ہیت دادے کہ داہم مننگا کہ پولیس کانود نا رداٹ کاریم کرے۔ مراد علی شاہ صاحب نا ہیت آتیٹی تضاد ءِ تینٹ کلیئر اف انت پاروئی ءِ۔ خصوصی کمکار پارے کہ اسہ کنڈآ پاننگ ءِ کہ مزار نا بے حرمتی مس و داوڑ مفروسس ایلو کنڈآ پاننگ ءِ کہ داڑآ کارروائی مفروسس اسہ کنڈآ پاننگ ءِ پولیس ننا پورو کنٹرول اٹی ءِ ایلو کنڈآ پاننگ ءِ کہ نن خاچاسن ایف آئی آر مس، ایلم نی انت پاننگ خواہنگ اُس۔ اوپارے کہ اگہ دا نما مرضی اٹ مس تو منبو، متنے تو تینا پولیس آن اَرفبو و آئی جی ءِ فارغ کبو نم ہڑتوم آ کنڈآتیا گوازی کننگ کپیرے۔ اوپارے کہ نی منافقت کننگ ءِ بند کہ، نی تینٹ ہم مناس و غٹ ءِ سماءِ کہ جرم مس۔ ہراتم جرم مس تو ولدا کارروائی آ دہائی انت ہیت اسے نا۔ انت اشرافیہ نا برخلاف کارروائی مننگ کپک۔