اسلام آباد۔ 20 اکتوبر (اے پی پی) صدر مملکت ڈاکٹر عارف علوی پارینے کہ نیشنل سکل یونیورسٹی تکنیکی تعلیم نا فراوانی کن گام گیج کے، کسبکار افرادی قوت ملک انا زرگزرانی شونداری ٹی اہم کڑد ادا کرینے، مارکیٹ نا خواست آتے مون آ تخسا کسبکار افرادی قوت تیار کننگے۔ داخیال آتا درشانی ءِ او تینا کماشی ٹی نیشنل سکلز یونیورسٹی نا سینیٹ نا دیوان آن تران کرسا کرے۔ دیوان اٹی بنجائی وزیر تعلیم شفقت محمود، سیکرٹری بنجائی تعلیم و کسبی تربیت فرح حمید خان، باسک ایچ ای سی فتح محمد مری، وائس چانسلر نیشنل سکلز یونیورسٹی پروفیسر ڈاکٹر محمد مختار، چیئرپرسن نیوٹک پروفیسر ڈاکٹر محمد عنایت اللہ خان و سینیٹ نا ایلو باسک آک ساڑی ئسر۔ وائس چانسلر نیشنل سکلز یونیورسٹی پروفیسر ڈاکٹر محمد مختار دیوان ءِ اینخو مالی سال انا ہدف و سلاہ ئی تعلیمی پروگرام تا بارواٹی معلومدار کرے۔ داوخت آ صدر مملکت پارے کہ نیشنل سکلز یونیورسٹی تکنیکی تعلیم نا فراوانی کن گام گیج کے۔ کسبکار افرادی قوت ملک انا زرگزرانی شونداری ٹی اہم کڑد ادا کرینے۔ اوپارے کہ مارکیٹ نا خواست ءِ مون آ تخسا کسبکار افرادی قوت تیار کننگے۔

متعلقہ مضامینمصنف کی طرف سے مزید