کوئٹہ۔19اکتوبر (اے پی پی): بلوچستان ءِ سروزیر جام کمال خان ءَ گشتگ کہ بلوچستان ءَ تنا صرف پشتونخوا ملی عوامی پارٹی ،بی این پی مینگلءُ نیشنل پارٹی نااَنت بلکیں اِدءَ درائیں مردم قبائلی سیاسی ءُ جغرافیائی دمگامی راہشونی کنوک اَست۔ دوشمبے ءِروچءَ وتی یک ٹویٹ ءَ آئی ءَ گشتگ کہ پنچ سال حکومت ءَ بوہگ ءَ ابید ہم گوادر ءُ بلوچستان ءِ پدمنتگی ءِسرءَ گوشتانک دیئگ ابکئی ءِ گپ اِنت ، آ گشگ ءَ اَنت کہ مے منوک حکومت بلوچستان ءَ چِل سیٹ آنی گوما نمائندگی کنگ ءَ اَنت، بی پی کے میپ ءُ نیشنل پارٹی پنچ سال ن لیگ ءَ گوما حکومت ءَ بوتگ۔ آ مارا بُگش اَنت کہ سی پیک ءِ کجام میگاپروجیکٹس نیشنل ہائی وے ءُ موٹروے ءِ منصوبہ بلوچستان ءَ آرگ بوتگ اَنت ، آئی ءَ گشتگ کہ نولنگ ڈیم، وندر بیراج عزیز ڈیم،ویسٹرن سی پیک روٹ ،ژوب تا کوئٹہ کراچی چمن شاہ دگ مکران ءِ دگ ءُ الیکٹرک گرڈ ءِ منصوبہ آنی سرءَ تاں 2013 چہ 2018 ءَ کار بندات کنگ نابوتگ۔
