اسلام آباد۔ 19 اکتوبر (اے پی پی) وزیراعظم نا خصوصی نمائندہ مذہبی اہم آہنگی پاکستان علماکونسل نا چیئرمین و متحدہ علمابورڈ انا صدر علامہ طاہر محمود اشرفی ربیع الاول نا تُو انا بناآ مچ آ امت مسلمہ ءِ مبارکباد پیش کرینے۔ دوشنبے نادے آ تینا اسہ ٹویٹ اسے ٹی اوپارے کہ نبی کریم صلی اللہ علیہ و آلہ وسلم نا زند مچ آ انسانیت کن کسر نا ڈیواءِ۔ حضور اکرم صلی اللہ علیہ و آلہ وسلم نا ولادت آن دنیا ٹی تہاریک چٹار و روشنائیک لس مسر۔ دین محمدیہ ننے امن، مہرومریبت و رواداری نا رغامک۔ اوپارے کہ اسلام ننے مذہب و وطن تون مہرومریبت نا ہم رغامک۔
