اسلام آباد۔ 19 اکتوبر (اے پی پی) وزیراعظم عمران خان پنجاب و خیبرپختونخوا نا شار تا نیام اٹ سفائی و چاگڑدنا گچینی کن کروک آ گام گیج آتا بابت مقابلہ نا دودایوارڈ آتا بشخنگ اٹ اینو مہمان خاص مریک۔ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم 25 نومبر 2019ء آ کلین گرین پاکستان موومنٹ (سی جی پی آئی) نا بناءِ کریسس ہرانا مسخت شار تے ساف ستھرا و سرسوز و شاداب و چاگڑد ءِ گچین کننگ کن مقابلہ نا فضاودی کننگ ئس تانکہ شاری تے ساف دیر انا فراوانی آن کچرہ تے ٹھکانہ خلنگ و سفائی نا آسراتی و خذمت آتے گچین کننگ مرے۔ دامقابلہ پنجاب و خیبرپختونخوانا 19 شارتا نیام اٹ ءِ۔ وزیراعظم مقابلہ ٹی سرفہرست مروک آ شارتے است بڈ ایوارڈ ایتک۔
