اسلام آباد۔ 19 اکتوبر (اے پی پی) قومی ایئرلائن (پی آئی اے) عید میلاد النبی صلی اللہ علیہ و آلہ وسلم کن خصوصی پیکج اس درستی راستی کرفینے، جشن ولادت رسول پاک صلی اللہ علیہ و آلہ وسلم نا وخت آ حجاز مقدسہ نا سفر آ 12 درسد خصوصی رعایت مریک۔ قومی ایئرلائن ان ترجمان عبداللہ خان نا کنڈآن جاری اعلامیہ نا رداٹ یکم آن 12 ربیع الاول اٹی جدہ و مدینہ منورہ نا سفر آ 12 درسد رعایت تننگک۔ ترجمان پارے کہ دا خصوصی پیکج عید میلاد النبی صلی اللہ علیہ و آلہ وسلم نا چرجوئی ٹی درستی راستی کرفنگانے۔ ترجمان پارے کہ خصوصی رعایت اتون 12 کلو ودکی گڑا دننگ نا آسراتی ہم تننگک۔ پیکج نا اطلاق جدہ و مدینہ منورہ آ ہنوک و بروک آ ہڑتوم آ سفر تیا مریک۔ قومی ایئرلائن نا ترجمان پارے کہ بحیثیت قومی ایئرلائن پی آئی اے مدام خصوصی موقع غاتے جم و جوش اٹ اڈایتک۔ خصوصی پیکج نا مسخت جشن ولادت رسول صلی اللہ علیہ و آلہ وسلم نا خوشی تیٹی قوم اتون اوار مننگ نا ءِ۔
