ہری پور۔ 19 اکتوبر (اے پی پی) بنجائی وزیر توانائی، پٹرولیم و قدرتی وسیلہ عمرایوب خان نا ہری پور آفس اٹی اونا کوآرڈینیٹر ساجد خان و سیکرٹری نعیم خان نا کماشی ٹی دیوان اس اڈتننگا ہراٹی سوئی نادرن گیس انا ایریا انچارج و ایلو آفیسر آتون اوار تعلقدار ٹھیکیدار آک بشخ ہلنگ نا وخت آ میٹنگ بنجائی وزیر عمرایوب خان نا کنڈآن جاری کروک ارب آتا فنڈنگ آن ضلع نا چندی علاقہ غاتیٹی گیس فراوانی نا برجا ڈٹ آتا سرجم جاچ ءِ ہلنگا۔ تعلقدار آفیسر آک جاری ڈٹ آتیا حوال ترسا چندی ڈٹ آتا زوت پوروی نا باوری کرفیر بنجائی وزیر نا اسٹاف برجا ڈٹ آتیا است جمی نا درشانی ءِ کرسا پارے کہ خانپور دارتیاں آن صوابی میرااسکان چندی علاقہ غاتیٹی گیس انا فراوانی کن السی سرکڑدہ عمرایوب خان ساڑی آ اِراسال اٹی کم و ود 12 ارب روپئی نا بھلو فنڈنگ اس کرینے ہراڑآن چندی علاقہ غاتا الس ہنداآسراتی تیان فائدہ ہرفنگ ءُ وخت اس کہ کیہی خلق آتیٹی ترندی اٹ کاریم برجاءِ۔
