اسلام آباد۔ 19 اکتوبر (اے پی پی) وزیراعظم نا سلاہکار احتساب و داخلہ بیرسٹر شہزاد اکبر پارینے کہ مریم نواز پروپیگنڈا کننگ نا جاگہ غا کیپٹن (ر) صفدر نا دزگیری آ بلاول بھٹو زرداری آن اَرفے، کیپٹن (ر) صفدر قائد نا مزار آ انتس کہ کرے او مذمت نا قابل ءُ۔ دوشنبے نادے آ تینا ٹویٹ اٹی اوپارے کہ مریم نواز ٹویٹر آ پروپیگنڈا کننگ نا جاگہ غا بلاول بھٹو زرداری آن ارفے انتئے کہ بلاول بھٹو نا سندھ پولیس آ پورو کنٹرول ءِ۔ اوپارے کہ بلاول سندھ اکن تینا پسند نا آئی جی اس خواہک، کیپٹن (ر) صفدر قائد نا مزار آ انتس کہ کرے او مذمت نا قابل ءِ۔ انت دا غٹ نا مشتعل کننگ نا سوب آن ئس؟ اوکیپٹن صفدر نا دزگیری آ مریم نواز آن سوج کرے کہ سندھ پولیس دادے تیٹی نا حلیف بلاول بھٹو زرداری نا پورو و براہ راست کنٹرول اٹی ءِ۔ شہزاد اکبر پارے کہ یاتو نا اَرے نا دزگیری نی و نا سیوتی پبلسٹی اسٹنٹ نا خاطر کرفے یا نم اسہ ایلو نا برخلاف کاریم کننگ اورے۔
