24 گھنٹہ ٹی کورونا دین انا 440 کیس، 5 مرک رپورٹ، 27 ہزار 91 ٹیسٹ کننگا، نیشنل کمانڈ اینڈ آپریشن سینٹر

اسلام آباد۔ 19 اکتوبر (اے پی پی) نیشنل کمانڈ اینڈ آپریشن سینٹر(این سی اوسی) کورونا دین انا بابت تازہ حساب وکتاب ءِ جاری کرینے۔ دوشنبے نادے آ این سی او سی آن جاری کروک حساب وکتاب نا رداٹ تدوک آ 24 گھنٹہ ٹی کورونا نا 440 ناجوڑ آتا ٹیسٹ مثبت بس و 5 بندغ ہسپتال آتیٹی دا دین آن زوال کریر۔ تدوک آ 24 گھنٹہ ٹی کوویڈ۔ 19 نا 27 ہزار 91 ٹیسٹ کننگا ہرافتیان سندھ اٹی 9 ہزار 94، پنجاب اٹی 10 ہزار 33، خیبرپختونخوا ٹی 3 ہزار 756، اسلام آباد اٹی 2 ہزار 478، بلوچستان اٹی 892، گلگت بلتستان اٹی 402، آزاد کشمیر اٹی 436ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 3 لکھ 7 ہزار 409مسنے۔ آزاد کشمیر، گلگت بلتستان و بلوچستان اٹی کوویڈ۔ 19 نا اسہ ناجوڑ اس ہم دا وخت آ وینٹی لیٹر آ اف وخت اس کہ مچ آ ملک اٹی کوویڈ۔ 19 کن جتا 1 ہزار 884 وینٹی لیٹر آتیا کوویڈ۔ 19 نا 74 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 9 ہزار 384ءِ۔ مچ آ ملک اٹی کورونا دین آن زہمی بندغ آتا کچ 3 لکھ 23 ہزار 452ءِ ہرافتیان آزاد کشمیر اٹی 3 ہزار 498، بلوچستان اٹی 15 ہزار 688، گلگت بلتستان اٹی 4 ہزار 59، اسلام آباد اٹی 18 ہزار 69، خیبر پختونخوا ٹی 38 ہزار 645، پنجاب اٹی 1 لکھ 1 ہزار 652و سندھ اٹی 1 لکھ 41 ہزار 841 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 6 ہزار 659ءِ ہرافتیان سندھ اٹی 2 ہزار 581 وخت اس کہ تدوک آ بیست ءُ چار گھنٹہ ٹی 2 ناجوڑ ہسپتال آتیٹی دا دین انا سوب آن زوال کریر، پنجاب اٹی 2 ہزار 298مرک، خیبر پختونخوا ٹی 1 ہزار 265مرک، اسلام آباد اٹی کل 195 مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دا دین آن زوال کرے۔ بلوچستان اٹی 148 مرک وخت اس کہ بیست ءُ چار گھنٹہ ٹی اسہ ناجوڑ اس ہسپتال اٹی دا دین آن زوال کرے۔ گلگت بلتستان اٹی 90مرک، آزاد کشمیر اٹی دا دین آن 82 مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دا دین آن زوال کرے۔ داتم اسکان مچ آ ملک اٹی کوویڈ۔ 19 نا 41 لکھ 1 ہزار 115 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 735 ہسپتال آتیٹی 789 ناجوڑ درمان مننگ ءُ۔