ادارہ غاتا برخلاف مریم نا بیانیہ جلسہ غاتیانبار بھاز بے وڑ بے سہب مس، عثمان ڈار

اسلام آباد۔ 19 اکتوبر (اے پی پی) وزیراعظم نا خصوصی کمکار امور نوجوانان عثمان ڈار پارینے کہ ادارہ غاتا برخلاف مریم نا بیانیہ جلسہ غاتیانبار بھاز بے وڑ بے سہب مس، تینے کانود آن ایڑتر سرپند کروک آ ٹولہ اولیکو وار کانود نا گرفت اٹ بسنے، عمران خان نا خلیس مچ آ اپوزیشن نا زی آٹے۔ دوشنبے نادے آ تینا بیان اٹی اومریم نواز نا تقریر آ تینا ردعمل نا درشانی ءِ کرسا پارے کہ ادارہ غاتا برخلاف مریم نا بیانیہ جلسہ غاتیانبار بھاز بے وڑ بے سہب مس۔ مریم نواز تقریر اٹ دراصل تینا خاہوت نا بے روزگاری نا ذکر ءِ کرے۔ اوپارے کہ مریم نا تقریر کم باوہ نا بے روزگاری نا ماتن زیات ئس۔ مریم پارے ہرا لغور ءِ او اسہ کنڈ مرے، ہرالغور اس اوتو لندن آ نرا۔ تینے کانود آن ایڑتر سرپند کروک آ ٹولہ اولیکو وار کانود نا گرفت اٹ بسنے۔ عثمان ڈار پارے کہ نما پین چیہانٹ آک پیش تمرہ انتئے کہ این آر او نا ہر کسر بند مسنے۔ آخیریکو اومیت آ ہرافتیا نمائندہ غاتے مون تسر ہموکان ہم انکار مس۔ ہیت جوڑ متو تو باوہ مسڑ 11 جماعتی سیوت تون اواری اٹ ہڑدڑنا بناءِ کریر۔ اوپارے کہ کانود نا حکمرانی آ عملدرآمد آن بیدس نم تون داسہ ہچ ءُ چارہ اس اف۔ دے و نن عمران خان نا تسبیح خوانوک آک پاننگ ءُ اونا پن ءِ الپنہ۔ عثمان ڈار پارے کہ باوری اٹ پاننگ کیوہ کہ مریم نا تغ اٹی ہم عمران خان بروئے۔ میزائل آن ہلیس موٹروے اسکان غٹ ءِ پارین اگہ پاتون تو لندن اپارٹمنٹس نا پاتون۔ سوج ولدا ہموکان ہموڑے کن ءِ، لندن اپارٹمنٹس ہراکان بس امر جوڑ کریرے۔