اسلام آباد۔17اکتوبر (اے پی پی): مزن وزیر عمران خان ءَ گوجرانوالہ سرکس ءَ پیسریگیں مزن وزیر نواز شریف ءِ نیمگ ءَ پاک اُرد ءِ سروک ءِ ھلاپ ءَ بھتام بندگی ٹوک ءُ گال آناں ایراد گران ءَ جار جتگ کہ نواز شریف ءَ را لندن ءَ چہ واپس آرگ ءِ واستہ توامیں کوشست آناں کارمرد کنگ بیت، نواز شریف ءَ را لس کیزی ءِ وڑ ءَ جیل ءَ بند کنگ بیت ءُ اچ وی آئی پی آسراتی پجاری کنگ نہ بیت ، نوازشریف ءَ گوستگیں روچ ءَ ناروائیں زبان کارمرد کنان ءَ فوج ءُ حکومت ءِ نیام ءَ جنگ ءُ چوپ پیداک کنگ ءِ کوشست کتگ ھما گال ءُ زبان کارمرد کتگ کہ ایشی ءَ چہ حکومت ءُ فوج گوں وت جیگ مہ جیگ بہ بنت، یک ناکامیں کوشست ءِ کنگ بوتگ، آئی ءَ گوشت کہ پاکستانی اُرد ملک ءُ راج ءِ دیمپانی ءُ ملک ءَ را گرانیں سکیں ساھت آنی وھد ءَ حکومت ءِ گوما ھمبراہ داری ءُ کمک کتگ۔ نیب ءُ آمید گس آں گوں اپیل انت کہ کرپشن ءِ کیس آناں گڈی آسر ءَ سر کنگ بہ بیت، راج پیسلہ آنی ودار ءَ انت، والنٹری فورس کجام ھم راج ءِ اندر ءَ یک جتائیں بستار ءِ دار ایت، پاکستانی راج ھرچ وھد سکیں ساھت اتکگ سرجمیں راج وتی ملک ءِ واستہ ھمگام ءَ اوشتاتگ۔ 28 مارچ ءَ وتی راج ءَ گوں انوگ ءَ تاں ٹائیگر فورس ءَ ھرچی چست ءُ ایر کتگ آ لائک ءِ توسیپی انت، راج ٹائیگر فورس ءِ شگر ءُ منت وار انت، آئی ءَ گوشت کہ ڈکال ءِ پیداک کنگ یک سِلیں ھوپ ات، ایشی ءِ سبب آنی شوہاز کنگ ءُ نشان دیگ قائداعظم محمد علی جناح ءَ ھم کتگ بوتگ، اے ھوپ ءَ چہ رکھیگ ءِ واستہ ٹائیگر فورس پورٹل ءِ بنگیجی ءِ موہ ءَ ملک ءِ جتا جتائیں دمگ آں چہ آیوکیں ٹائیگرز آں گوں گشتانک دیان ءَ کت۔ مزن وزیر عمران خان ءَ گوشت کہ والنٹری فورس چاگرد ءَ یک ٹوھیں بستار ءِ دار ایت، والنٹری کار کنوک آنی درستاں چہ مستریں کار شہری آنی ضلورت ءُ ھک آنی رکھینگ انت ءُ جمہوریت ءِ تہ ءَ ایشرا یک جتائیں بستار ءِ گون انت، وھد ءِ چاگرد ءِ تہ ءَ سکیں ساھت کئیت گڈا زندمانیں چاگرد ءِ شہری نندوکیں والنٹری رنگ ءَ حکومت ءِ کمک ءَ کن انت، پاکستانی راج ءَ ھم وھد ءِ سکیں ساھت بوتگ گڈاسرجمیں راج ءَ وتی ملک ءِ گوما ھمگامی کتگ، 28 مارچ ءَ ٹائیگر فورس ءِ جوڑیشت ءَ چہ انوگ ءَ تاں ھمینکیاس چست ءُ ایر اے فورس ءَ کتگ ایشی ءِ پد ءَ سرجمیں راج شگر ءُ منت واری کنت۔ آئی ءَ گوشت کہ من السی جنز ءَ چہ یک کسانیں گل ئے جوڑ کت ءُ جہد ءُ کوشست بندات کت ایشی ءَ چہ اچ کس ءِ کمک نہ گپت، انشاء اللہ نوں من دیم پہ دیمی کناں ءُ پیش داراں، آمید گس ءُ نیب آزات انت ءُ باقی ھرچی کہ حکومتی ادارگ منی زیر انتظامی ءَ انت آ واناں وت تیار کناں ھرکس ءَ کہ زرّ دزئی کتگ ڈن ملک ءَ تتکگ انت آواناں گراں کبس ءَ کناں، ھرچ کس کہ کشاں چیل آں گیش دمینگ ءَ انت ءُ آ توری جج ءِ بہ بیت، برئے آ جج ءِ نام ءَ گر انت، برئے کشاں چیل ءِ دمینگ ءِ واستہ آرمی چیف ءُ ڈی جی آئی ایس آئی ءِ نام ءَ گرانت ءُ راستیں رنگ ءَ اسرائیل ءُ ہندوستان ءِ لابی انت امریکہ ءَ درستاں چہ کمک زورگ ءِ کوشست ءَ کنگ ءَ انت ھرچی گیم چلگ ءَ انت ما ایشاناں گیم نہ پھم انت، آئی ءَ گوشت کہ من گوشگ لوٹاں کہ آرمیچیف یا ڈی جی آئی ایس آئی ھرکس بہ بیت اچ پرک نیست منی کرا، من ءَ اچ کس ءَ چہ نہ ترس ایت۔ آئی ءَ گوشت کہ جنرل باجوہ ءَ سکیں ساھت ءَ حکومت ءِ گوما ھمبراھ داری کتگ، انوگ کراچی ءَ بوتگیں ھور ءُ توپان ءَ کمک کتگ، کورونا ءِ اندر ءَ سرجمیں راج ءِ کمک کتگ ، وھد ءِ ملک ءَ زر ءِ ڈکالی بوتگ ، پاک اُرد ءَ وتی دیمپانی بجٹ ءِ سر ءَ کٹ جتگ ءُ ملک ءِ کمک کتگ، درئی پالیسی ءِ سر ءَ ھمے رنگ ءَ جنرل باجوہ ءُ فوج ءِ گوما ھمگام ءَ اوشتاتگ، اے کوشت کنگ ءَ انت کہ حکومت ءُ ارد ءِ نیام ءَ پروش ءُ جنگ بہ بیت۔ آئی ءَ گوشت کہ مرچی منی سرجمیں کوشست انت کہ شمارا واپس ملک ءَ آرگ بہ بیت ءُ لسی کیزئی آنی وڑ ءَ جیل جنگ بہ بیت، گریب دزئی کنت گڈا آرا جیل جنگ بیت ءُ ایشاں ملک ءِ اربانی کلدار ءُ زرّ لانک ءَ جتگ ءُ دزئی کتگ وی آئی پی جیل ءَ نشتگ انت۔
