اسلام آباد ۔ 14 ستمبر (اے پی پی) مزن وزیر عمران خان ءَ گوشت کہ سی پیک منصوبگ انوگ ءَ تاں رسانک آنی سر ءَ انت، رشکئی اقتصادی زون ناں ایوک ءَ خٰبر پختونخوا بلکینگ ءَ سرجمیں ملک ءَ معاشی دیمروئی ءَ ارزشتی ایں کرد پیلو کنت انت، دومی بھر ملک ءَ صنعتی دیمروئی ءَ کمک دیگ انت، اوگان ایمنی سول ءُ تران ءِ کامیاتی ءَ پاکتان ءِ ارزشتی ایں کرد ات، اوگانستان ءَ ایمنی ءَ چہ نیامی ایشیائی ریاست آں تاں رابطہ گیش بنت ایشی ءَ چہ سرجمیں پڑ ءَ وشھالی کئیت۔ اے ھیالانی درشانی آئی ءَ دو شمبے ءَ ادا رشکئی ءَ ھاسیں اقتصادی زون ءِ دیمروئی ءِ واستہ منوگری ءِ سر ءَ دست چنگل جنگ ءِ مراگش ءَ گوں گشتانک دیان ءَ کت۔ خیبر پختونخوا ءِ گورنرر شاہ فرمان ، سروزیر خیبر پختونخوا محمود خان ، مزن وزیر ءِ شمیر تجارت عبدالرزاق دائود، سی پیک اتھارٹی ءِ چئیرمین لیفٹیننٹ جنرل (ر) عاصم سلیم باجوہ ءُ پاکستان ءَ چین ءِ سفیر ھم مراگش ءَ ساڑی ات۔ مزن وزیر ءَ منوگری ءَ را وش اتک کنان ءَ گوشت کہ پاکستان ءَ صنعتی دیمروئی ءِ ھوالگ ءَ اے گامگیج جوان گپ ات، سی پیک ءِ چیر دستی ءَ فیصل آباد ءَ چہ رشکئی دومی ھاسیں اقتصادی زون بیت، سی پیک منصوبگ نوں ایوک ءَ رسانک آں تاں ایوک نہ بیت۔ آئی ءَ گوشت کہ سر وزیر خیبر پختونخوا ءَ مبارک بات پیش کنان ءَ گوشت کہ اے منوگری خیبر پختونخوا ءِ دیمروئی ءِ ھوالگ ءَ یک ٹوھیں دیمروئی رسیت ءُ ھندی مردم آنی واستہ روزگار ءِ موہ پیداک بیت، ما لوٹاں کہ خیبر پختونخوا ءِ تہ ءَ مردم آناں مزوری رسیت۔ دیرموئی ءِ واستہ ملکی صنعت آناں دیمروئی دیگ سک باز المی انت، اے ھوالگ ءَ چین ءِ تجروبت ءُ ازمکاری ءَ چہ سیت چست کنگ بیت۔
