توانائی ءِ وفاقی وزیر سردار اویس احمد خان لغاری ءَ پاکستان ءِ 80می آجوئی ءِ روچ ءِ درگت ءَ راج ءَ را مبارک بات داتگ

اسلام آباد۔14اگست  (اے پی پی): توانائی ءِ وفاقی وزیر سردار اویس احمد خان لغاری ءَ پاکستان ءِ 80می آجوئی ءِ روچ ءِ درگت ءَ راج ءَ را مبارک بات دیگ ءِ ساھت ءَ گوشت کہ آجوئی مئے مزنیں مردمانی مزنیں کوشست ءُ ابدمانیں قربانی آنی میوہ اِنت۔ آجوئی ءِ روچ مارا راجی یکوئی ، راجی نپ ءُ پاکستان ءِ دیمروئی ءُ وشھالی ءِ واستہ یک مُشت ءَ دیم ءَ روگ ءِ کلوہ ءَ دنت ۔ قائداعظم محمد علی جناح ءِ ویژن ءِ رد ءَ یک مھکمیں، آزات ءُ آبادیں پاکستان ءِ جوڑ کنگ مئے راجی جزم اِنت۔ جمعہ ءِ روچ ءَ جاڑی بوتگیں کلوہ ءِ تہ ءَ وفاقی وزیر ءَ گوشت کہ پاکستان ءِ ایمنی ءُ وت واجہی ءِ رکھینگ ءِ واستہ سرجمیں راج وتی بہادریں سلاہ بندیں اُرد آنی گوما اوشتاتگ۔ راستی ءِ جہد ءِ تہا سوبمندی ءَ راج ءِ جزم، یکوئی ءُ دلیری ءَ را نوکیں زور داتگ۔ وفاقی وزیر ءَ گوشت کہ پاکستان ءِ دیمروئی ءَ ہر شہری ءِ کرد المی انت۔ ملک ءِ دیمروئی ءُ دیمروئی ءِ ھاتر ءَ ہر یک مردمے وتی کار بالاد  ءُ تواناں راجی ھزمت ءِ ھاتر ءَ کارمرز بہ کنت ءُ پاکستان ءَ را دیمروئی ءُ وشھالی ءِ نوکیں بالاد ءَ سر کنگ ءِ ھاتر ءَ وتی کرد ءَ پیلو بہ کنت۔ سردار اویس احمد خان لیگاری ءَ دعا کت کہ اللہ تعالیٰ پاکستان ءَ مدام امن ءُ ایمنی دیمروئی ءُ وشحالی بہ دنت ءُ مہروانیں وطن ءَ را گیش مہکم ءُ مھکم بہ کنت۔