مزن وزیر محمد شہباز شریف ءَ صدر آصف علی زرداری ءَ گوں گند ءُ نند کتگ، آئی ءَ را آجوئی ءِ روچ ءِ مبارک بات داتگ، مہروانیں وطن ءَ چہ ناشرکاری ءِ ھوپ ءَ را سرجمی ءَ چہ ھلاس کنگ ءِ جزم ءِ  درشان

اسلام آباد۔14اگست  (اے پی پی): صدر آصف علی زرداری ءُ مزن وزیر محمد شہباز شریف ءَ پاکستان ءِ سلاہ بندیں اُرد ءُ کانود ءِ برجائی ءِ ادارگ آنی یکجائی کوشست آناں فتنہ ہندوستان  ءِ ناشرکار آنی ھلاپ ءَ تہی ءُ درئی کار آنی تہ ءَ ستا کرتگ ءُ   پاکستان  ءِ سلاھ بندیں ارد ءُ کانود  ءَ را مھکم داروکیں ادارگ آنی کزبی کرد آناں  توسیپ ءُ ستا کنان ءَ گوشت کہ  ماتیں وطن ءَ چہ ناشرکاری ھوپ ءَ را بن گوج کنگ ءِ جزم ءِ درشان کتگ۔ صدر گس ءِ  میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ جمعہ ءِ روچ ءَ ایوان ءَ صدر آصف علی زرداری ءَ گوں گند ءُ نند کتگ۔ مزن وزیر ءَ صدر ءِ مملکت ءَ را آجوئی ءِ روچ ءِ درگت ءَ مبارک بات دات۔ نائب  مزن و زیر   ءُ  وزیر خارجہ سینیٹر محمد اسحاق ڈار، وزیر داخلہ   منشیات ءِ گر ءُ داسر  سید محسن رضا نقوی، سپیکر پنجاب اسمبلی ملک محمد احمد خان  ءُ  سینیٹر شیری رحمان  ھم ھوار اتنت۔ مزن وزیر ءَ صدر ءِ مملکت ءَ را مکہ ءَ سعودی عرب، ترکی ءُ پاکستان ءِ نیام ءَ گوستگیں امن معاہدے ءِ بابت ءَ سرپد کت۔ صدر ءِ مملکت ءَ دفاعی کمک، دمگی امن ءُ ایمنی ءُ مسلم امت ءِ ایمنی ءِ دیمروئی ءِ رد ءَ سئے نیمگی امن معاہدے ءِ جوانیں رنگ ءَ عملدرآمد ءِ واستہ نیکیں واھشت آنی درشان کت۔ صدر زرداری ءَ مزن وزیر محمد شہباز شریف ءُ فیلڈ مارشل ءُ چیف آف ڈیفنس فورسز جنرل سید  عاصم منیر ءِ کوشست آناں ساڑات کہ آ سعودی عرب، ترکی ءُ پاکستان ءِ نیام ءَ دیریں براتی سیادی ءَ را گیش مھکمیں اسٹریٹجک شریکداری ءِ تہ ءَ گیش مھکم کن اَنت۔ گند ءُ نند ءِ ساھت ءَ دوئیں نیمگ ءَ فتنہ ہندوستان  ءُ فتنہ الخوارج ءِ ناشرکار آنی ھلاپ ءَ تہی ءُ دری کار آنی تہ ءَ پاکستان ءِ سلاہ بندیں اُرد ءُ کانود ءِ برجائی ءِ ادارگ آنی پیشہ وارانہ پنت ءُ شون ءِ سر ءَ شگر ءُ منت گپت ءُ ناشرکاری ءَ را چہ ملک ءَ سرجمی ءَ ھلاس کنگ ءِ جزم ءِ پدا زور دات۔ استیں دمگی جاور ھال آنی درگت ءَ صدر ءِ مملکت ءَ الس ءَ را اقتصادی مشکل آنی تہ ءَ ریلیف پجاری ءِ واستہ جوانیں گامگیج آنی ضلورت ءِ سر ءَ زور پر دات، المی سامان آنی بے مٹیں پھجاری ءَ را دل یکیمی کنگ ءُ ایشاں مناسب نرخ آنی تہ ءَ دستیاب کنگ ءِ واستہ جوانیں گامگیج آنی ضلورت ءِ سر ءَ زور پر دات۔ صدر ءِ مملکت ءَ اے امیت سہرا کت کہ دمگی ءُ جہانی امن ءِ دیمروئی ءِ واستہ پاکستان ءِ جوانیں سفارتی کوشست ملک ءِ جہانی پوزیشن ءَ را گیش مھکم کنت ءُ ایشی ءِ جوانیں اسر ملک ءِ معیشت ءُ الس ءِ زندمان ءِ سرا مارشت بنت۔