سویڈن ءَ پاکستان ءِ نامینتگیں سفیر احمد امجد علی ءَ گوں نائب مزن وزیر اسحاق ڈار ءَ گند ءُ نند

اسلام آباد۔14اگست  (اے پی پی): سویڈن ءَ پاکستان ءِ نامینتگیں سفیر احمد امجد علی ءَ نائب مزن وزیر ءُ درئی کارانی وزیر سینیٹر  محمد اسحاق ڈار ءَ گوں گند ءُ نند کت۔ جمعہ ءِ روچ ءَ درئی کارانی کارگس ءِ رد ءَ نائب مزن وزیر ءَ پاکستان ءُ سویڈن ءِ نیام ءَ اقتصادی سیادی ءَ را گیش گیش ءُ گیوار کنگ ءِ سر ءَ زور پر دات ھاسیں رنگ ءَ تجارت، سرمایہ کاری، ٹیکنالوجی، قابل تجدید توان، کشت ءُ کشاری، وانگ ءُ زانگ ءُ ہنر ءِ دیمروئی ءِ شوبگ آنی تہ ءَ۔ آئی ءَ نامینتگیں سفیر ءَ را ہدایت کت کہ آ کاروباری کاروباری سیادی ءَ را دیمروئی دیگ، سرمایہ کاری ءِ آسراتی ءُ مردم آنی نیام ءَ سیادی ءَ را مھکم کنگ ءِ تہ ءَ فعال کرد پیلو بہ کنت۔ آئی ءَ ھاسیں رنگ ءَ پاکستانی نودربر ءُ درملک ءَ نندوکیں پاکستانی آنی واستہ قونصلر سروسز ءِ جوانیں ءُ وھد ءِ سر ءَ پجارینگ ءِ ضلورت ءِ سر ءَ ھم زور پر دات۔