پاکستان ءِ واستہ برطانیہ ءِ ہائی کمشنر جین میریٹ  ءَ نائب مزن وزیر ءُ درئی کارانی وزیر اسحاق ڈار ءَ گوں گند ءُ نند

اسلام آباد۔14اگست  (اے پی پی): پاکستان ءِ واستہ برطانیہ ءِ ہائی کمشنر جین  میریٹ ءَ جمعہ ءِ روچ ءَ نائب مزن وزیر ءُ درئی کارانی وزیر اسحاق ڈار ءَ گوں گند ءُ نند کت۔ درئی کارانی کارگس ءِ رد ءَ نائب مزن وزیر ءَ پاکستان ءُ برطانیہ ءِ سیادی آنی تہ ءَ جوانیں پیشرفت ءِ توسیپ کنگ ءِ وھد ءَ منیلا ءَ آستانہ ریجنل فورم ءِ ساھت ءَ برطانیہ ءِ درئی کارانی سیکرٹری ایڈ ملی بینڈ ءِ گوما گوستگیں گند ءُ نند ءِ ھم حوالہ دات ءُ گوشت کہ دو مزنیں تک ءِ رابطہ آنی نیام ءَ تسلسل ءِ ضلورت اِنت۔ دوئیں رہشون آں وت مہ وتی دلچسپی ءِ ھاسیں جیڈھ آنی سر ءَ ھیال ریچی کت ءُ وت مہ وتی کمک ءَ را گیش مھکم کنگ ءِ راہ ءُ در آنی سر ءَ ھیال ریچی کت۔ گند ءُ نند ءِ تہ ءَ استیں دمگی ءُ میاں اوستمانی جاور ھال ھم گپ ءُ تران بوتگ اَنت۔ نائب مزن وزیر ءَ گوشت کہ اسلام آباد مفاہمت نامہ ءِ سر ءَ برطانیہ ءِ نیمگ ءَ چہ وتی روح ءُ حک ءِ رد ءَ سرجمی ءَ عمل کنگ بہ بیت۔ آئی ءَ وتی اے جزم ءِ پدا زور دات کہ بقایا جیڈھ آنی گیواری ءِ واستہ گپ ءُ تران ءُ سفارتکاری ءِ تہ ءَ یکیں راہ اِنت۔ برطانیہ ءِ ہائی کمشنر ءَ پاکستان ءِ آجوئی ءِ روچ ءِ مبارک بات دات ءُ وتی نیکیں واھگ ءُ نیکیں واھگ آنی سر ءَ ھم گوشت۔