اسلام آباد۔14اگست (اے پی پی): امریکی چارج ڈی افیئرز نیٹلی اے بیکر ءَ جمعہ ءِ روچ ءَ دری کارانی کارگس ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت۔ درئی کارانی کارگس ءِ جارکش ءِ رد ءَ گند ءُ نند ءِ تہ ءَ پاکستان ءُ امریکا ءِ نیام ءَ دو نیمگی کمک ءُ دمگ ءِ انوگیں جاورھالانی سر ءَ گپ ءُ …
امریکی چارج ڈی افیئرز نیٹلی اے بیکر ءَ گوں نائب مزن وزیر سینیٹر محمد اسحاق ڈار ءَ گند ءُ نند
گیشتریں ھال
اسلام آباد۔14اگست (اے پی پی): امریکی چارج ڈی افیئرز نیٹلی اے بیکر ءَ جمعہ ءِ روچ ءَ دری کارانی کارگس ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت۔ درئی کارانی کارگس ءِ جارکش ءِ رد ءَ گند ءُ نند ءِ تہ ءَ پاکستان ءُ امریکا ءِ نیام ءَ دو نیمگی کمک ءُ دمگ ءِ انوگیں جاورھالانی سر ءَ گپ ءُ تران کنگ بوتگ ۔ نائب مزن وزیر ءَ پاکستان ءُ امریکہ ءِ سیادی آنی تہ ءَ جوانیں پیشرفت ءِ ساڑاھ کنان ءَ دیریں امن ءِ واستہ گپ ءُ تران ءُ سفارتکاری ءِ ارزشت ءِ سر ءَ زور پر دات۔ آئی ءَ گوشت کہ 18 جون اسلام آباد ءِ مفاہمت نامہ ءِ سر ءَ عمل کنگ وتی روح ءُ جوہر ءِ تہ ءَ دیم ءَ رؤگ ءِ یکیں راہ انت۔ آئی ءَ دمگی امن ءُ ایمنی ءِ واستہ پاکستان ءِ جزم ءِ یک رندے پدا گوشت کہ اے وھد ءَ پاکستان وتی راجی نپ آنی ھم سرجمی ءَ رکھین ایت۔ امریکی چارج ڈی افیئرز ءَ دمگی امن ءُ ایمنی ءِ دیمروئی ءِ واستہ پاکستان ءِ جوڑیشت ءِ کرد ءَ را ساڑات ءُ نائب مزن وزیر ءَ را پاکستان ءِ آجوئی ءِ روچ ءِ مبارک بات دات۔
