اسلام آباد ۔ 14 ستمبر (اے پی پی) سپیکر راجی اسمبلی اسدر قیصر ءَ گوں صوبہ خیبر پختوانخوا ءِ وزیر ءِ جان سلامتی ءُ ھزانگ تیمور خان جھگڑا ءَ دو شمبے ءَ پارلیمنٹ گس ءَ گند ءُ نند کت۔ گند ءُ نند ءَ ملک ءِ ھواریں سیاسی ءُ معاشی جاور ھال آںی سر ءَ ھیال ریچی کنگ بوت۔ سپیکر اسد قیصر خیبر پختونخوا ءِ حکومت ءِ نیمگ ءَ السی گہبود ءِ واستہ چست کتگیں گامگیج آناں ساڑاھگ بوت ءُ اے امیت سہرا کنگ بوھگ کہ استیں صوبائی حکومت مزن وزیر عمران خان ءِ وژن ءِ رد ءَ صوبگ ءِ دیمروئی ءِ کشک ءَ رھادگ کنگ ءَ کامیات بیت۔ آ ئی خیبر پختونخوا حکومت ءِ نیمگ ءَ سرجمیں صوبگ ءِ الس آنی واستہ جان سلامتی کارڈ ءِ بنگیج ءَ را کورونا ھوپ ءِ شنگ ءُ تالانی ءَ را گر ءُ دار ءِ واستہ صوبگ ءَ گہتریں انتظامی آنی ھم توسیپ کت۔ آئی ءَ گوشت کہ خیبر پختونخوا ءَ سیاسی ءُ راجدپتری ھند صوبگ ءِ واستہ گران بھاریں مڈی ءِ بستار ءَ دار انت ءُ اے ھند آنی آسراتی ءِ پجاری ءَ سیل ءُ سواد ءِ دیمروئی کت کناں ءُ پشت کپتگیں دمگ آنی الس آناں روزگا ءِ موہ رسیت۔ صوبائی وزیر جان سلامتی ھزانگ ءَ سپیکر اسد قیصر ءَ صوبگ ءِ جتا جتائیں شوبگ آںی تہ ءَ آروتگیں گہتری ءُ جاڑیگیں دیرموئی منصوبگ آنی بابت ءَ سرپد کت۔ آئی ءَ گوشت کہ صوبگ ءَ سیال ءُ سواد ءِ شوبگ ءِ دیمروئی دیگ ءِ واستہ ترجی داتگیں بنیات ءَ گامگیج چست کنگ بوھگ ءَ انت۔ آئی ءَ گوشت کہ صوبائی حکومت مزن وزیر عمران خان ءِ وژن ءِ رد ءَ صوبگ ءَ جان سلامتی، وانگ ءُ زانگ ، کشت ءُ کشار ءُ جنگلات ءِ شوبگ ءَ ھاسیں دلگوشی دیگ ءَ انت۔ صوبائی وزیر برائے جان سلامتی ءُ ھزانگ ءَ سپیرک ءِ شگر ءُ منت گران ءَ ایوان ءَ آئی ءِ جوانیں کرد ءَ را ساڑات۔
