اسلام آباد ۔ 14 ستمبر (اے پی پی) مزن وزیر ءِ ھاسیں کمکار برائے موسمی مٹ ءُ بدلی ملک امین اسلم ءَ گوں پاکستان ءَ برطانوی ہائی کمشنر کرسچن ٹرنر ءَ دو شمطے ءَ وزارت ءَ گند ءُ نند کت۔ گند ءُ نند ءِ ساھت ءَ ایٹماسپئر، موسمی مٹ ءُ بدلی، ڈیزاسٹر مینیجمنٹ، گرین اکنامک ریکوری، رینیو ایبل انرجی، درچک ءُ جنگلی دلوت ءُ ساھ دار آنی رکھنگ ءُ چُک ءُ چرائیندہ آنی ھوالگ ءَ وت مہ وتی کمک ءَ را دیمروئی دیگ ءَ سرجمیں گپ ءُ تران کنگ بوت۔ ایٹماسپئر ءِ گہتری ءُ گرین روزگار ءِ موہ پیداک کنگ ءِ ھوالگ ءَ بندوکیں ملکی منصوبگ آں ھوار جتا جتائیں شوبگ آنی تہ ءَ کمک ءِ پیشوکی گوشگ ءِ پد ءَ مشیر ملک امین اسلم ءَ پاکستان ءَ برٹس ہائی کمشنر ءِ توسیپ کت۔ وزارت ءِ موسمی مٹ ءُ بدلی جتا جتائیں شوبگ آںی تہ ءَ وت مہ وتی کمک آناں دیمروئی یدگ ءُ برٹش ہائی کمشنر ءِ تجروبت آں چہ سکھگ ءِ واستہ وت مہ وتی کمک آناں دیمروئی دیگ ءِ رد ءَ ملک ءَ کار کنت انت۔ ملک امین اسلم ملک ءَ برطانوی ہائی کمشنر ءَ را پاکستان ءَ مزن وزیر عمران خان ءِ کلین گرین وژن ءِ رد ءَ سرجمیں سرپدی دات۔
