اسلام آباد۔ 14 ستمبر (اے پی پی) صدر مملکت ڈاکٹر عارف علوی پارینے کہ پاکستان ایتھوپیا تون تعلقداری تے بھاز اہمیت ایتک و ہڑتوم آ کڑدہ غاتا نیام اٹ واپاری تعلقداری تے پین مون آدننگ نا خواہندار ءِ، پاکستان نا زرکار دوست واپاری پالیسی نا رداٹ پاکستان درملکی زرکاری کن اسہ پرکشش ءُہند اسے، پندار سفیر ایتھوپیا ٹی غیر کانودی مقبوضہ جموں و کشمیر اٹی مروک آ بھارتی بیدادیءِ تالان کے۔ داخیال آتا درشانی ءِ او ایتھوپیا ٹی پاکستان نا پندار سفیر شوزب عباس تون اوڑدہی ٹی کرے۔ صدر مملکت ڈاکٹر عارف علوی پارے کہ پندار سفیر واپار، زرگزران و دودوربیدہ تون اوار چندی بشخ آتیٹی پاکستان و ایتھوپیا نا نیام اٹ ہڑتوم آ کنڈآتا تعلقداری تے پین گچین کننگ کن کاریم کے، پاکستان ایتھوپیا تون تعلقداری تے بھاز اہمیت ایتک و ہڑتوم آ کڑدہ غاتا نیام اٹ تعلقداری تے پین مون آ دننگ نا خواہندار ءِ۔ اوپارے کہ پندار سفیر ایتھوپیا نا زرکار آتا پاکستان اٹی زرکاری کن است بڈی ءِ کے۔ پاکستان زرکار دوست واپاری پالیسی نا رداٹ پاکستان درملکی زرکاری کن اسہ پرکشش ءُ ہند اسے۔ پندار سفیر ایتھوپیا ٹی غیر کانودی مقبوضہ جموں و کشمیر اٹی مروک آ بھارتی بیدادی ءِ تالان کے۔
