اسلام آباد۔ 14 ستمبر (اے پی پی) بنجائی وزیر ڈٹ بندی شونداری و خصوصی گام گیج اسد عمر پارینے کہ بنجائی حکومت بلوچستان نا شونداری کن سنبرینگوک ءِ، و اینخو نا سال اٹی پی ایس ڈی پی نا جتا ڈٹ آتیٹی بلوچستان اٹی چندی ڈٹ آتیا 80 ارب روپئی خڑچ کننگک۔ بنجائی وزیر اسد عمر داخیال آتا درشانی ءِ بلوچستان نا سویلی ضلع غاتا اِرادے ئی دورہ غا خضدار آ سرمننگ آن پد اسہ حوال اسے نا وخت آ کرے۔ وزیر دفاعی پیداوار گودی زبیدہ جلال، ڈپٹی اسپیکر قومی اسمبلی قاسم سوری و سیکرٹری ڈٹ بندی ئسک ہم اوار ئسر۔ خضدار نا دورہ ٹی وزیر آتے قلات ڈویژن آتیٹی برجا شونداری ڈٹ آتا بارواٹ حوال تننگا۔ وزیر آک خضدار و آواران نا چندی ہند آتا ہم دورہ ءِ کریر۔ داوخت آ بنجائی وزیر پارے کہ حکومت داہیت ءِ پیک کیک کہ بجٹ اٹ تروک آ فنڈ آک پورو و گچین کاریم اٹ اتنگر۔ دا دورہ دا ضلع غاتا الس نا زند انا آب ءِ گچین کننگ کن سویلی بلوچستان کن شونداری ڈٹ آتا ڈیزائن و عملدرآمد نا حکومت نا کوشست آتا اسہ بشخ اسے۔ بنجائی و صوبائی حکومت آک اواری اٹ دا ڈٹ آتیا کاریم کننگ ءُ، ہراٹی ممکنہ وڑاٹ بنداوی پنجر اٹ گچینی، دُن کہ روڈ، چنکا ڈیم و آئی ٹی رابطہ تون اوار اوار کشاری و باغبانی نا وارخواہی تیٹی ودکی اور ءِ۔ میوہ غاتا پروسیسنگ نا صنعت آتون اوار اوار کسبکاری نا شونداری ہند آتا جوڑ کننگ ہم دا ڈٹ انا اسہ بشخ اسے۔ نجی بشخ انا شمولیت ءِ راغب کننگ نا سلاہ تیا ہم سجفنگ انگ ءِ۔ ڈل تربت و گوادر نا ہم دورہ ءِ کیک۔
