اسلام آباد۔ 14 ستمبر(اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ وزیراعظم عمران خان حکومت نا زموار سروک نا وڑاٹ ادارہ غاتے تینا کاریم ءِ تینٹ کننگ کن ہلک۔ قومی اسمبلی ٹی قائد حزب اختلاف شہباز شریف نا ٹویٹ آ ردعمل اٹی ڈاکٹر شہباز گل پارے کہ ہندا تو ویل ءِ نا سوچ انا، داسکان نی مروسس تو تینا عکس ءِ جوڑ کننگ نا چکر اٹ مظلوم نا درستی راستی میڈیا غا مسکہ۔ عمران خان نے آنبار ڈرامہ کپک، حکومت نا زموار سروک نا وڑاٹ تینا کاریم ءِ تینٹ کننگ کن ہلک۔ اوپارے کہ مسلم لیگ (ن) ہراتم کہ حکومت اٹ بس او لُٹ و پل کرے و حساب تروئی تما تو وخت اس بشخنداری خواہسا جدہ غا ہنار و ہراتم انقلاب نا سرکڑدہ نا وخت بس تو فراڈ میڈیکل رپورٹ آتا کمک اٹ ملک آن نرار۔
