اسلام آباد۔ 14 ستمبر (اے پی پی) سمندر پار پاکستانی تا کنڈآن ترسیلات زر اٹی اگست 2020ء ٹی تدوک آ سال انا ہندا وخت انا مقابلہ ٹی 24.4 درسد نا نمان ودکی ریکارڈ کننگانے۔ اسٹیٹ بینک انا ترجمان پارے کہ اگست 2020ء ٹی سمندر پار رہینگوک آ پاکستانیک 2.095 ارب ڈالر نا زرمبادلہ ملک آ مون تسر ہرا تدوک آ سال اگست نا مقابلہ ٹی 24.4 درسد زیات ءُ، برجا سال انا تدوک آ مسہ3 تُو اٹی سمندر پار پاکستانی تا کنڈآن ترسیلات زر انا کچ پدریسہ 2 ارب ڈالر نا نیمہ غان زیات مسنے۔ ترجمان اسٹیٹ بینک انا رداٹ جون، جولائی و اگست نا تُو تیٹی سمندر پار رہینگوک پاکستانی تا کنڈآن داتم اسکان 7.3 ارب ڈالر نا زرمبادلہ ملک آ مون تننگانے۔ ہرا تدوک آ سال انا ہندا مد انا مقابلہ ٹی 37.2 درسد زیات ءُ۔ اوپارے کہ پاکستان ریمیٹینسزانیشی ایٹیو(پی آر آئی) و میزبان ملک دُن کہ دے ٹکی نیامی، یورپ و امریکہ ٹی پدریسہ کاروبار نا ملنگ آن ترسیلات زر اٹی ودکی ٹی کمک رسینگانے۔ سعودی عرب، یو اے ای و برطانیہ ترسیلات زر انا بابت مسہ نمان ملک ءُ، سعودی عرب اٹی رہینگوک آ پاکستانیک 593ملین ڈالر، یو اے ای 410 ملین ڈالر و برطانیہ ٹی رہینگوک پاکستانیک 302 ملین ڈالر نا زرمبادلہ ملک آ گدریفیر۔ اوپارے کہ جولائی 2020ء نا مقابلہ ٹی اگست 2020ء ٹی ترسیلات زر اٹی 24.3 درسد نا کمتی ریکارڈ کننگانے ہرانا بنداوی سوب بھلا عئید آن پد ترسیلات زر اٹی کمتی نا رجحان ءِ، جولائی 2020ء ٹی سمندر پاررہینگوک آ پاکستانیک 2.768 ارب ڈالر نا زرمبادلہ ملک آ گدریفیسر۔
