اسلام آباد۔ 02مارچ (اے پی پی) وزیر داخلہ چوہدری نثارعلی خان پارینے کہ پاکستان نا تہہ و پیشن نا دشمن تیٹی ناپاک سیوت ساڑی ئِ، ہرانا صفائُ شاہدی اس ساڑی ئِ ،سول و عسکری سروک آتا نیام اٹ گچین کوآرڈینیشن و خڑکی کمکاری ریاست نا فائدہ ٹی ئِ۔ داخیال آتا درشانی ئِ او پنچ شنبے نا دے نیشنل ڈیفنس یونیورسٹی ٹی بڑزکو فوجی افسر آتیان تران کرسا کرے۔ اوپارے کہ پاکستان نا دشمن تینا درپردہ مسخت آتے کن تعلقداری تیٹی دراڑ ہُننگ نا خواہندار مریرہ۔ اوپارے کہ سول و عسکری تعلقداری پاکستان نا فائدہ ٹی ئِ و اوفتا درکار نتیجہ دوئی مننگ ئِ۔ ملک انا تہہ نا سلامتی نا پالیسی آ ہیت کرسا وزیرداخلہ چوہدری نثارعلی خان پارے کہ سلامتی اینو نا دور اٹی اسہ کثیر الجہتی ویل اسے۔ اوپارے کہ پاکستان ئِ بھاز انگا چیلنج آتا مون تروکی ئِ ہرافتے تون مون تننگ کن ریاست نا غٹ ادارہ غاتے اواری اٹ جہد کننگ نا گرج ئِ ۔
