ایران ءِ سرا امریکا ءِ اُرش ءِ سرا مشعال  حسین ملک ءَ مزنیں دلپدردی ءِ درشانی کتگ

اسلام آباد۔22جون  (اے پی پی):یاسین ملک ءِ جنین مشعال  حسین ملک ءَ ایران ءِ سر ءَ امریکہ ءِ اُرش ءِ سر ءَ سک باز دلپدردی ءِ درشانی کتگ ءُ گْوشتگ کہ جنگ ھچ جیڑھ ءِ گیش ءُ گیوار نہ اِنت، امن ءِ تہنا راہ اِنت۔ ادا شنگ بوتگیں بیان ءِ رد ءَ کشمیری رہشون ءُ  چاگردی کارکن مشعال  ملک ءَ امریکہ ءِ نیمگ ءَ ایران ءِ ایٹمی آسراتی آنی سر ءَ بوتگیں اُرش آنی سر ءَ سک باز دلپدردی ءِ درشانی کتگ۔ آئی ءَ گوشت کہ اے وڑیں گامگیج میاں اوستمانی وڑیں حساسیں دمگ ءَ کش ءُ  چیل ءَ را گیش گیش کت کن اَنت ءُ  جھان ءِ امن ءَ را ھترہ ءِ آماچ کن اَنت۔ مشعال  ملک ءَ وتی بیان ءِ تہ ءَ گْوشتگ کہ دراھیں ملک جیڑھاں گپ ءُ تران ءُ سفارتی وسیلگ ءَ گیش ءُ گیوار بہ کن اَنت، ءُ جنگ ءِ راہ ءَ مہ رو اَنت۔ آئی ءَ اے گپ ءِ سر ءَ زور پر دات کہ دگنیا ءِ راج میاں اوستمانی کانود ءُ ریاست آنی حاکمیت ءِ احترام ءَ بہ کن اَنت۔ آئی ءَ اسرائیل ءِ لابی ءِ سرا ایراد گپتگ ءُ گشتگ کہ یک رندے پدا امریکا یک بے وسی ءُ ناانصافیں جنگے ءِ تہا کشگ بوہگ ءَ انت کہ ایشی ءِ آسر سرجمیں دنیا ءِ سرا انت۔ عراق ءِ جنگ ءِ حوالہ ءَ آئی ءَ گوشت کہ مارا گوستگیں وھد ءَ چہ دربرگی اِنت کہ یک نیمگی فوجی کارروائی تباہی ءِ رنگ ءَ ثابت بنت۔ مشعال  ملک ءَ چہ دگنیا ءِ سروکاں دزبندی کتگ کہ آ یکجا بہ بنت ءُ امن ءِ حمایت ءَ بہ کن اَنت ءُ ایران ءِ الس ءَ گوں یکوئی ءِ درشان ءَ بہ کن اَنت۔ آئی ءَ گوشت کہ جنگ نہ بلکیں امن دیم ءَ روگ ءِ راہ انت۔