اسلام آباد۔22جون (اے پی پی):سرمایہ کاری ءِ وفاقی وزیر قیصر احمد شیخ ءَ گوشت کہ پاکستان مھکمیں میاں اوستمانی سیادی ءِ جوڑ کنگ ءِ سر ءَ دلگوشی دیگ ءَ اِنت، چین پاکستان ءِ مخلصیں ھمراھ اِنت، آئی ءِ سیادی سمندر آنی وڑ ءَ گہتر ءُ ابدمان اِنت ءُ آیوکیں سال آنی تہ ءَ ایشی ءَ را گیش ءُ گیوار کنگ بیت۔ یک شمبے ءِ روچ ءَ یک انٹرویو ءِ تہ ءَ سرمایہ کاری ءِ وفاقی وزیر قیصر احمد شیخ ءَ گوشت کہ چین ءِ گوما پاکستان ءِ دوستی ءِ بُن ھشت وت مہ وتی بھروسہ ءُ احترام ءِ تہ ءَ اِنت۔ آئی ئَ اے گپ ئِ سر ئَ زور پر دات کہ دوئیں ملک آنی نیام ئَ سیادی مدام وھد ئِ چکاس ئَ چہ اوشتاتگ ئُُ یکجائی نپ ئُُ اقتصادی کمک ئُُ مھکمیں سفارتی سیادی ئِ بنیات ئَ اِنت۔ آئی ءَ اے گپ ءِ سر ءَ زور پر دات کہ اے دوستی نہ ایوک ءَ حکومتی تک ءَ المی اِنت بلکینگ ءَ دوئیں ملک آنی الس آنی نیام ءَ یکوئی ءُ کمک ءِ احساس ءَ را ھم دیمروئی دنت۔ قیصر احمد شیخ ءَ امریکہ ءِ ھم توسیپ کت کہ آئی ءَ چیف آف آرمی اسٹاف فیلڈ مارشل سید عاصم منیر ءَ را دعوت داتگ ءُ ایشی ءَ را یک ھاسیں سفارتی اشارہ ءِ رنگ ءَ لیک اتگ۔ آئی ءَ گوشت کہ فیلڈ مارشل سید عاصم منیر ءِ تر ءُ تاب ءِ مستریں مول ءُ مراد خطہ ءَ امن ءِ دیمروئی ءُ دوئیں ملک آنی نیام ءَ سرمایہ کاری ءُ اقتصادی کمک ءِ تہ ءَ گیشی اِنت۔ کشمیر ءِ جیڈھ پاکستان ءِ واستہ سک باز ارزشت ءِ انت ۔ آئی ءَ جیڈھ ءَ را میاں اوستمانی کانود ءُ اقوام متحدہ ءِ قرارداد آنی رد ءَ گیش ءُ گیوار کنگ ءِ واستہ پاکستان ءِ جزم ءِ سر ءَ زور پر دات۔ آئی ءَ گوشت کہ پاکستان ءِ جھان ءِ ارزشت گیش بوتگ ءُ ھاسیں رنگ ءَ میاں اوستمانی تک ءَ مئے کرد بے دروریں ارزشت ءِ بوتگ۔ آئی ءَ اے گپ ءِ سر ءَ زور پر دات کہ پاکستان جتاجتائیں ملک آنی گوما وتی سیادی ءَ را گیش مھکم کنگ ءَ انت، سفارتی سیادی ءُ کمک ءَ را دیمروئی دیگ ءَ انت۔ آئی ءَ دمگ ءَ امن ءِ واستہ ایران ءُ اسرائیل ءِ گپ ءُ تران ءِ میز ءِ سر ءَ آیگ ءِ ارزشت ءِ سر ءَ ھم زور پر دات ءُ دراجیں مدت ءِ برجائی ءُ ایمنی ءِ واستہ گپ ءُ تران ءِ ضلورت ءِ سر ءَ زور پر دات۔
