اسلام آباد۔ جون (اے پی پی) وفاقی وزیر برائے بجلی سردار عویس احمد خان لغاری ءَ ڈسکو آنی چیئرمین ءُ سی ای اوز آناں پنت ءُ شون کتگ کہ آ محرم الحرام ءِ وھد ءَ مچی ءُ جلوس آنی تہ ءَ بھر زوروک آناں ھرچ وڑیں بے وسی ءَ چہ رکّینگ ءِ ھاترا درستیں ڈسکو آنی تہ ءَ ناقصیں سامان آناں ترندیں رنگ ءَ جوڑ کنگ یا بدل کنگ ءَ را دل یکیمی کنگ بہ بیت۔ ادا جاڑی بوتگیں بیان ءِ رد ءَ وفاقی وزیر ءَ پیشگی مرمت ءِ پرمان جاری کنگ ءِ وھد ءَ گوشت کہ محرم الحرام ءِ مقدسیں ماہ نزیک بوھگ ءَ اِنت، محرم ءِ وھد ءَ سرجمیں ملک ءَ لاکھوں ماتمی مردم مچی ءُ جلوس آنی تہ ءَ بھر زور اَنت ءُ اے سال محرم ءَ گرم ءِ لہر ءِ گمان است اِنت۔ عویس لغاری ءَ گوشت کہ بے رکاوٹیں بجلی ءِ سپلائی ءَ را دل یکیمی کنگ ءِ زوتیں ضلورت اِنت، مذھبی مراگش آنی وھد ءَ لس مھلوک ءَ را ھرچ وڑیں تکلیف ءَ چہ رکّینگ ءِ واستہ، درستیں ڈسکو آنی تہ ءَ ناقصیں سامان آناں ترندیں رنگ ءَ جوڑ کنگ یا بدل کنگ ءَ را دل یکیمی کنگ ءِ واستہ زوتیں ضلورت اِنت۔ عویس لغاری ڈسکو آناں ایمرجنسی ریسپانس ٹیم جوڑ کنگ ءِ ھم پرمان دیگ ءِ وھد ءَ آئی ءَ گوشت کہ عاشورہ ءِ روچ ءَ ایمرجنسی ریسپانس ٹیم ہائی الرٹ ءِ سر ءَ ایر کنگ بہ بنت، ءُ محرم ءِ وھد ءَ دمگی واکدار آنی گوما مدام رابطہ برجم دارگ بہ بیت۔ وفاقی وزیر ءَ گوشت کہ آ ضلعی انتظامیہ، کانود ءِ نفاذ ءِ ادارگ ءُ مذہبی گل آنی گوما سرجمیں رنگ ءَ کمک بہ کن اَنت ءُ صارفین ءَ را ھاسیں رنگ ءَ اممبرگاہ ءُ مسیت آناں پیسر ءَ چہ ھرچ وڑیں شیڈول ءِ رد ءَ مرمت یا ممکنہ لوڈ مینجمنٹ ءِ بابت ءَ سرپد بہ کن اَنت۔ وفاقی وزیر ءَ گوشت کہ حساسیں جاھاں اسٹینڈ بائی جنریٹر ءُ یو پی ایس سسٹم ءِ دستیابی ءَ را دل یکیمی کنگ بہ بیت، ءُ گرڈ ءِ تہ ءَ ھچ وڑیں غیر متوقع جیڈھ ءِ وھد ءَ بیک اپ پاور ءِ پھجارینگ بہ بیت۔ وفاقی وزیر ءَ گوشت کہ محرم ءِ وھد ءَ تکنیکی ءُ آپریشنل اسٹاف ءِ 24/7 دستیابی ءَ را دل یکیمی کنگ بہ بیت، ءُ درستیں تک ءُ پھنات آنی سر ءَ ھاسیں کنٹرول سنٹر جوڑ کنگ بہ بنت۔ وفاقی وزیر ءَ گوشت کہ اے معاملہ ءَ ھچ وڑیں لاپروائی ءُ رد کنگ ءِ گنجائش نیست، محرم ءِ ھوالگ ءَ کتگیں گامگیج آنی رپورٹ پاور ڈویژن ءَ را روان دیگ بہ بیت۔
