اسلام آباد۔ 01مارچ (اے پی پی) کرغزستان نا وزیراعظم سورن بائف جین بیکوف پارینے کہ پاکستان نا سروکی ٹی اقتصادی کمکار تنظیم تین پہ تینی اقتصادی کمکاری نا فائدہ غاتے دوئی کننگ کن ترندی اتون شون ہلیک۔ او چارشنبے نا دے داڑے وزیراعظم محمد نواز شریف نا کماشی ٹی 13می ای سی او سروک دیوان آن تران کریکہ۔ اوپارے کہ اقتصادی کمکار تنظیم نا باسک ملک آتا نیام اٹ چندی بشخ خاص کر واپار، ٹرانسپورٹ ، کشت وکشار، معیشت، سیل وسوات و سائنس و ٹیکنالوجی نا بشخ آتیٹی بایدے کمکاری ئِ ودفنگے۔ کرغزستان نا وزیراعظم پارے کہ ایکو باسک ملک آتا اسیجائی و اجتماعی سوچ تنظیم ئِ اسہ فعال ئُ پلیٹ فارم اس جوڑ کیک ہرا تین پہ تینی کمکاری ئِ مون آ دننگ و علاقہ ٹی شونداری و شونہالی اتنگ اٹی کڑد ادا کننگ کیک۔
