اسلام آباد۔10اپریل (اے پی پی): مزن وزیر محمد شہباز شریف ءَ برآمدات ءَ را گیش کنگ ءَ چہ ملک ءِ آمدنی ءَ را گیش کنگ ءَ را حکومتی اولی ترجی ءِ جار جتگ ءُ گوشت کہ بنجاہی صنعت ءِ واستہ یک برابریں جاگہ ءَ را دل یکیمی کنگ بہ بیت۔ آئی ءَ اے ھیالانی درشانی جمعہ ءِ روچ ءَ وتی سروکی ءَ برآمدات ءِ آسراتی اسکیم ءِ ھوالگ ءَ چار ءُ تپاسی دیوان ءَ کت۔ گند ءُ نند ءَ وفاقی وزیر احسن اقبال، احد خان چیما، محمد اورنگزیب، علی پرویز ملک، سردار اویس خان لغاری، مزن وزیر ءِ مشیر سید توقیر شاہ، مزن وزیر ءِ کوآرڈینیٹر رانا احسان افضل، چیئرمین ایف بی آر پرویز راشی ءِ نیمگ ءَ چہ بھر زوری کت۔ برآمداتی صنعت ءِ سرا کار کنت۔ دیوان ءَ برآمداتی آسراتی ءِ اسکیم ءَ را کارآمد جوڑ کنگ ءُ برآمداتی شوبگ ءَ را ایشی ءَ چہ سیت رسگ ءَ را دل یکیمی کنگ ءِ واستہ جوڑ بوتگیں کمیٹی ءِ عبوری سفارشات پیش کنگ بوت۔ مزن وزیر ءَ دیوان ءَ گوں گشتانک دیان ءَ گوشت کہ برآمد کنگ ءَ چہ ملکی آمدنی ءِ تہ ءَ گیشی حکومتی اولی ترجی آنی تہ ءَ یک انت۔ کمیٹی ءِ سفارشات ءِ سر ءَ شوبگ ءِ ماہرین آنی گوما گیش شور ءُ سلاھ ءَ را دل یکیمی کنگ بہ بیت تانکہ اے اسکیم ءَ را گیش موثر جوڑ کنگ بہ بیت تانکہ برآمداتی صنعت آنی واستہ خام مال ءُ مشینری ءِ درآمد ءَ را آسراتی دیگ بہ بیت۔ مزن وزیر ءَ ہدایت کت کہ کمیٹی گیش شور ءُ سلاہ ءَ پد عبوری سفارشات ءَ را گڈی رنگ ءَ بہ دنت ءُ زوت رپورٹ ءَ پیش بہ کنت۔ آئی ءَ ہدایت کت کہ آیوکیں بجٹ ءِ جوڑیشت ءَ صنعت ءُ کاروباری ادارگ آنی گوما شور ءُ سلاہ کنگ بہ بیت ءُ آہانی شور ءُ سلاہ بجٹ ءِ تہا ہوار کنگ بہ بنت۔ مزن وزیر ئَ پرمان دات کہ بنجاہی صنعت ئِ واستہ برابریں پڑ ئَ دل یکیمی کنگ بہ بیت۔ دیوان ءَ سرپدی دیگ بوت کہ اے اسکیم پیداوار ءِ ھرچ ءُ درچ ءَ را کم کنگ ءُ ملک ءِ برآمدات ءَ را جھان ءِ بازار آنی تہ ءَ مقابلہ ءِ لائک جوڑ کنگ ءِ ھاترا بندات کنگ بوتگ۔
