اسلام آباد۔10اپریل (اے پی پی): راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءَ گوشت کہ کچن گارڈننگ نہ ایوک ءَ جان سلامتی ءِ کار اِنت بلکیں شہری آنی واستہ مالی وت واجہی ءِ چاگرد دوست ءُ موثر وسیلگ اِنت۔ مارا زوتیں وھد ءَ کچن گارڈننگ ءِ دیمروئی ءِ ضلورت اِنت، حکومت اے دود ءُ ربیدگ ءِ زندگ کنگ ءِ ھاترا سنگینیں گامگیج زورگ ءَ اِنت۔ اے کامیابی آنی درشان آئی ءَ شہری کشت ءُ کشاری دیوان ءَ گوں گشتانک دیان ءَ کت۔ دیوان ءِ بندات ءَ ندیم اقبال ءَ کچن گارڈننگ ءُ شہری کشت ءُ کشاری ءِ بابت ءَ سرجمیں بریفنگ دات۔ اے موہ ءِ سر ءَ وفاقی وزیر ءَ گوشت کہ کچن گارڈننگ نہ ایوک ءَ جان سلامتی ءِ چست ءُ ایر اِنت بلکینگ ءَ چاگرد ءِ گہتری ءُ شھری وت واجہی ءِ یک جوانیں وسیلگ ءِ ھم اِنت۔ آئی ءَ گوشت کہ مارا کچن گارڈننگ ءِ دیمروئی ءِ سک باز ضلورت اِنت، پرچا کہ اے دود ءُ ربیدگ مئے چاگرد ءَ چہ گار بوھگ ءَ اِنت۔ سرکار اے دود ءُ ربیدگ ءِ زندگ کنگ ءِ واستہ سنگینیں گامگیج زورگ ءَ انت۔ وفاقی وزیر ءَ گیش گوشت کہ چین، برازیل ءُ کیوبا ءِ وڑیں ملک آنی سوبمندیں ماڈل آنی سر ءَ چار ءُ تپاسی کنگ بوھگ ءَ اِنت تانکہ ایشی ءَ چہ دربرگ ءَ چہ بنجاہی تک ءَ ممکنہ حکمت عملی ءِ رد ءَ عمل کنگ بہ بیت۔ آئی ءَ گوشت کہ حکومت زوت چاگرد ءُ کشت ءُ کشاری ءِ گہتری ءِ واستہ عملی گامگیج چست کنگ ءَ انت۔ اے درگت ءَ راجی زرعی پٹ ءُ پولی کونسل ءُ کیپیٹل ڈویلپمنٹ اتھارٹی ءِ کمک ءَ یک ماڈل پروجیکٹ ءِ جوڑ کنگ بوھگ ءَ اِنت کہ ایشی ءَ چہ عام شہری نپ چست کن اَنت۔ آئی ءَ گوشت کہ اے ماڈل ءَ چہ نا ایوک ءَ شہری آناں ارزان ءُ تازگیں سبزی رس ایت بلکینگ ءَ شہری آناں سرپدی پیداک بیت ءُ چاگرد ءَ را وش کنگ ءَ ھم کمک بیت۔
