اسلام آباد۔10اپریل (اے پی پی): مرچی (پنج شمبے) ءَ چہ مزن وزیر محمد شہباز شریف جمہوریہ بیلاروس ءِ دو روچی سرکاری تر ءُ تاب ءَ کنت۔ تر ءُ تاب ءِ ساھت ءَ دوئیں ملک آنی نیام ءَ کمک ءَ را گیش مھکم کنگ ءِ واستہ بازیں منوگری ءُ مفاہمت نامہ آنی سر ءَ دستخط کنگ بیت ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر صدر الیگزینڈر لوکاشنکو ءِ دعوت ءِ سر ءَ 10اپریل ءَ بگر داں 11 اپریل 2025ءَ بیلاروس ءِ دو روچی سرکاری تر ءُ تاب ءَ انت۔ اے تر ءُ تاب نومبر 2024 ءَ صدر لوکاشنکو ءِ پاکستان ءِ ھاسیں تر ءُ تاب ءَ پد دوئیں ملک آنی نیام ءَ سیادی آنی تہ ءَ یک ھاسیں سنگ میل ءِ اِنت۔وتی نندگ ءِ ساھت ءَ مزن وزیر صدر لوکاشنکو ءَ گوں گند ءُ نند کنت تانکہ وت مہ وتی مفاد ءِ شوبگ آنی تہ ءَ پیشرفت ءِ سر ءَ چار ءُ تپاسی کنگ بہ بیت۔ اے درگت ءَ گوستگیں شش ماہ ءِ تہ ءَ دوئیں ملک آنی نیام ءَ مزن تک ءِ دو نیمگی تبادلہ ءِ یک سلسلہ ءِ برجاہ اِنت ایشی ءِ تہ ءَ فروری 2025 ءَ یکجائی وزارتی کمیشن ءِ ھشتمی دیوان ءُ اپریل 2025 ءَ پاکستان ءَ چہ مزن تک ءِ یکجائی وزارتی ڈل ءِ بیلاروس ءِ تر ءُ تاب ھوار اِنت۔ دوئیں ملک آنی نیام ءَ کمک ءَ را گیش مھکم کنگ ءِ واستہ مفاہمت ءِ تبادلہ ھم کنگ بیت۔ مزن وزیر ءِ تر ءُ تاب ءَ پاکستان ءُ بیلاروس ءِ نیام ءَ مھکم ءُ برجاھیں شریکداری ءِ سر ءَ چمشانک دیگ بوتگ۔
