اسلام آباد۔10اپریل (اے پی پی): وفاقی وزیر برائے منصوبہ بندی احسن اقبال ءَ گوشت کہ پاکستان ءِ ترندیں دیمروئی ءِ واستہ مارا درستاں یکجائی ءَ کار کنگی انت۔ مئے چکاس ”اُدان پاکستان“ ءِ چیر دستی ءَ مول ءُ مراداں سر کنگ اِنت۔ پلاننگ کمیشن ءِ بھرتی ءِ بھر سرجم بوتگ۔ نوں مئے کرّا یک مھکمیں ءُ پیشہ واریں ٹیمے ھست۔ آئی ءَ اے ھیالانی درشانی پنچ شمبے ءِ روچ ءَ وتی سروکی ءَ وزارت ءِ منصوبگ بندی ءَ کار کنوکیں باسک، مشیر ءُ ورنا دیمروئی فیلوز ءِ بنداتی دیوان ءَ گوں تران کنان ءَ کت۔ آئی ءَ نوکیں ھواریں درستیں باسکاں وش آتک کت۔ احسن اقبال ءَ گوشت کہ پلاننگ کمیشن ملک ءِ یک ھاسیں تھنک ٹینک ءِ بستار ءَ کار کنگ ءَ اِنت، ایشی ءَ چہ حکومت ءَ را جوانیں آیوکیں وھد ءِ واستہ وژن ءُ روڈ میپ داتگ۔ پلاننگ کمیشن ءِ تہا بھرتی ءِ مرحلہ سرجم بوتگ، ءُ نوں مئے کرّا یک مھکمیں ءُ پیشہ وارانہ ٹیمے است۔ آئی ءَ گوشت کہ بازیں باصلاحیتیں ورنا آں پلاننگ کمیشن ءِ بھر جوڑ بوھگ ءَ چہ راجی دیمروئی ءِ تہ ءَ کرد پیلو کنگ ءِ جزم ءِ درشان کتگ۔ پاکستان ءِ ھچ وزارت ءِ تہ ءَ اے وڑیں مزنیں انسانی وسیلہ نیست۔ اے ٹیلنٹ ءَ پیداواری کار ءَ کارمرز کنگی اِنت۔ نوں نوکیں سوچ، نوکیں ھیال ءُ نوکیں ھیال ءُ لیکہ ءِ گوما کار کنگ ءِ ضلورت اِنت۔ وفاقی وزیر ءَ گوشت کہ ما سرپد ایں کہ جاگہ ءِ کمی اِنت۔ وزارت اے جیڈھ ءِ گیش ءُ گیوار ءِ سر ءَ کار کنگ ءَ اِنت۔ ھما درستیں پیشہ ور کہ ھوار بوتگ انت آ وتی وتی پڑ ءِ شرتریں ماہرین انت۔ ہر مردم وتی توانائی ءِ بنیاد ءَ گچین کنگ بوتگ، چہ سیاسی لیکہاں ابید۔ دراہیں بھرتی خالصتاً میرٹ ءِ سرا کنگ بوتگ انت۔ آئی ءَ گوشت کہ اے شمئے درست آنی واستہ یک موہ انت کہ وتی پنت ءُ شون آنی گوما ملک ءِ دیمروئی ءِ تہ عملی کرد ءَ پیلو بہ کن ات۔ پاکستان ءِ ترندیں دیمروئی ءِ واستہ مارا درستاں یکجائی ءَ کار کنگی انت ۔ “اوران پاکستان” ءِ تہا ملک ءِ اقتصادی دیمروئی ءِ ھاتر ءَ سرجمیں راہ ءِ نقشہ است انت۔ ہر شعبہ ءِ ھاتر ءَ پالیسی ءُ ایکشن پلان است انت۔ نوں ایوک ءَ نفاذ ءِ ضلورت اِنت۔ مارا اے گپ ءِ پدر کنگ ءِ ذمہ وار ھم بوھگی اِنت کہ ما بھرتی کتگیں پیشہ ور جوانیں کارکردگی پیش دار اَنت۔ آئی ءَ گوشت کہ مئے چکاس ’’اُدان پاکستان‘‘ ءِ چیر دستی ءَ مول ءُ مراد آنی سر ءَ سر بوھگ اِنت، نوکیں ٹیم جوانتر اِنت، نوں مارا وتی سوج آناں عملی رنگ ءَ پیش دارگی اِنت، اگاں شمئے گور ءَ سوج است گڈا شیئر بہ کن اِت، جوانیں چاگرد ءِ پجارینگ مئے ذمہ واری اِنت۔ اے موہ ءِ سر ءَ سیکرٹری اویس منظور سمرا ءَ گوشت کہ مارا جاگہ ءِ کمی ءِ آماچ اِنت، ایشی ءِ گیواری ءِ شوھازگ بوھگ ءَ اِنت، ما وتی کوشست ءَ کناں کہ شمئے ھمک آسراتی پجاری بہ بیت۔
