اسلام آباد ۔ 17 جولائی (اے پی پی) مزن وزیر عمران خان ءَ گوشت کہ ملک ءَ کورونا وائرس ءِ کیس آںی تہ ءَ یک شلی ءَ کمی پیداک انت، مزنیں ائید ءِ موہ ءَ الس ءَ را کورونا ءَ چہ رکھینگ ءِ واستہ کار رھبند آنی سر ءَ ترندی ءَ پد ءُ رند کنگ ءِ ضلورت انت، ایس او پیز آنی پد ءُ رند جاڑی دارگ بہ بیت۔ آدینگ ءِ روچ ءَ وتی ٹویٹ ءَ آئی ءَ گوشت کہ مزنیں ائید ءَ را ساپ ءُ سلہ ءَ گوں گوزینگ بہ بیت۔ اے وڑ مہ بیت کہ کسانیں ائید ءَ ایس ءُ پیز آناں ڈلگچار کنگ بوتگ ءُ مئے ہسپتال کورونا ءِ مریض آں پُر بوتگ انت۔ آئی ءَ گوشت کہ حکومت ءِ نیمگ ءَ منوگر بوتگیں ایس او پیز آنی سر ءَ ترندی ءَ گوں پد ءُ رند کنگ ءِ پنت ءُ شون کنان ءَ گوشت کہ پاکستان وش بھتی ءَ اے ملک آںی تہ ءَ ھوار انت آھودا کورونا ءِ مریض آنی بیرانی ءِ کساس ءِ تہ ءَ کمی اتکگ۔ وینٹیلیٹر ءِ سر ءِ مریض آںی کساس کمی اتکگ وھدیکہ بد بھتی ءَ مئے ھمساھگیں ملک بھارت ءِ تہ ءَ ایشی یے کساس گیشتر انت۔ آئی ءَ گوشت کہ پاکستان ءَ 2لکھ 59 ہزار 998 کیسز دیم ءَ اتکگ ایشانی تہ ءَ یک لکھ 83 ہزار 737 مردم ءَ کورونا ءِ شکست داتگ پدا ھم 5 ہزار 475 مردم بیران بوتگ انت۔ گوستیں 24 کلاک آنی ساھت ءَ 23 ہزار 907 ٹیسٹ کنگ بوتگ ایشانی تہ ءَ 2 ہزار 85 مردم ءِ ٹیسٹ پازیٹو اتکگ۔ اے کامیاتی سمارٹ لاک ڈائون پالیسی ءِ نتیجگ انت وھدیکہ راج حکومت ءِ نیمگ ءَ جاڑی کتگیں ایس او پیز آنی پد ءُ رندی ءَ کنگ ءَ انت۔ آئی ءَ گوشت کہ اے پازیٹو دلگوشی ءَ را یک شل ءَ دارگ ءِ واستہ ضلوری انت کہ ایس او پیز آںی پد ءُ رند ءَ را جاڑی دارگ بہ بیت۔
