کابینہ کمیٹی اوگرا فیس و چارجز رولز و ڈرگس ریسرچ رولز اٹی ترمیم آتا منظوری ءِ تس

اسلام آباد۔ 25 ستمبر (اے پی پی)بنجائی وزیرکانودو انصاف سینیٹر اعظم نذیر تارڑ نا کماشی ٹی کابینہ کمیٹی تصفیہ قانون سازی امور نا دیواناس اڈ ہلک، ہراٹی تعلقدار وزارت، محکمہ و ڈویژن آتا کمامدار آک بشخ ہلکر۔ وزارت کانود و انصاف نا ترجمان نا رداٹ دیوان اٹی کابینہ کمیٹیآئل اینڈ گیس ریگولیٹری اتھارٹی فیس اینڈ چارجز رولز انا منظوری ءِ تس۔ کمیٹی بجلی نا پیداوار،فراوانی و بشخنگ نا بابت کانود اٹی ترمیم آتا مشروط منظوریءِ ہم تس۔ دا منظوری کابینہ کمیٹی نا سلاہ و پیشکش آتے سلاہ ئی ترمیم اٹی اوار کننگ تون مشروط کننگا۔ کابینہ کمیٹی پاکستان کوسٹ گارڈز ایکٹ 1973 اٹی علاقائی فنڈ انا قاعدہ غاتا بابت ترمیم نا ہم منظوری ءِ تس وخت اس کہ ڈرگس ریسرچ رولز 1978 اٹیسلاہ ئی ترمیم ہم منظور کرے۔ دیوان اٹی ایف آئی اے ایکٹ 1974 اٹیسلاہ ئی ترمیم و امیگریشن رولز 1979 اٹی ترمیم آتا باندات آتے پدبِٹنگا ۔