نیویارک۔ 25 ستمبر (اے پی پی)نائب وزیراعظم و وزیر خارجہ سینیٹر محمد اسحاق ڈار نیویارک اٹ اقوام متحدہ نا جنرل اسمبلی نا 81 می دیوان نا وخت آ سنگاپور نا وزیر خارجہ ڈاکٹر ویوین بالاکرشنن تون اوڑدہی کرے۔ جمعہ نادے آ ترجمان دفتر خارجہ نا کنڈآن جاری بیان نا رداٹ ہڑتوم آ فریق آک ہڑتوم آ کنڈآتا تعلقداری تا جاچ ءِ ہلکر و تین پہ تینی مفاد نا متنوع بشخ …
نائب وزیراعظم نا سنگاپور نا وزیر خارجہ تون اوڑدہی، علاقائی چیلنجآتون مون تننگ کن سفارت کاری ءِ مون آ دننگ نا پاکستان نا کوشست آتا ستاءِ کرے
گیشتریں ھال
نیویارک۔ 25 ستمبر (اے پی پی)نائب وزیراعظم و وزیر خارجہ سینیٹر محمد اسحاق ڈار نیویارک اٹ اقوام متحدہ نا جنرل اسمبلی نا 81 می دیوان نا وخت آ سنگاپور نا وزیر خارجہ ڈاکٹر ویوین بالاکرشنن تون اوڑدہی کرے۔ جمعہ نادے آ ترجمان دفتر خارجہ نا کنڈآن جاری بیان نا رداٹ ہڑتوم آ فریق آک ہڑتوم آ کنڈآتا تعلقداری تا جاچ ءِ ہلکر و تین پہ تینی مفاد نا متنوع بشخ آتیٹی کمکاری ءِ سوگو کننگ آ گپ و تران کریر۔ او امنا کریر کہ پدریسہ رابطہ و بڑزکو کہول انا تبادلہ ہڑتوم آ کنڈآتا تعلقداری تے پینگہراکننگ و تین پہ تینی وڑاٹ فائدہ مند کمکاری ءِ مون آ دننگ اٹ کمکار پک مریک ۔ ہڑتوم آ وزیر خارجہ غاک تین پہ تینی فائدہ غاتا علاقائی و جہانی پیش رفت آتیاہم گپ و تران کریر۔ سنگاپور نا وزیر خارجہ علاقائی چیلنجآتون مون تننگ کن گپ وتران و سفارت کاری ءِ مون آ دننگ نا پاکستان نا کوشست آتا ستاءِ کرے۔ ہڑتوم آ وزیر آک خڑکی رابطہ ٹی سلنگ آامناکریر۔
