اسلام آباد۔ 25 ستمبر (اے پی پی)وزیراعظم محمد شہباز شریف پارینے کہ نیویارک اٹ پرنس رحیم آغا خان پنجم تون اوڑدہی کننگ آن خوشی مس، اوڑدہی ٹی اونا باوہ ایماندار آغا خان چہارم ، پاکستان نا شونداری و اونا الس نا راجی آسودہی ٹی اونا دیرپا خذمت آتا ذکر ءِ کرے ۔ جمعہ نادے آ ایکس آ تینا کلہو اٹ او پارے کہ اوڑدہی نا وخت آ پرنس رحیم آغا …
نیویارک اٹ پرنس رحیم آغا خان پنجم تون اوڑدہی کننگ آن خوشی مس، اونا باوہ ایماندار ، پاکستان نا شونداری و الس نا راجی آسودہی ٹی اونا خذمت آتا ذکر ءِ کرے ، وزیراعظم محمد شہباز شریف
گیشتریں ھال
اسلام آباد۔ 25 ستمبر (اے پی پی)وزیراعظم محمد شہباز شریف پارینے کہ نیویارک اٹ پرنس رحیم آغا خان پنجم تون اوڑدہی کننگ آن خوشی مس، اوڑدہی ٹی اونا باوہ ایماندار آغا خان چہارم ، پاکستان نا شونداری و اونا الس نا راجی آسودہی ٹی اونا دیرپا خذمت آتا ذکر ءِ کرے ۔ جمعہ نادے آ ایکس آ تینا کلہو اٹ او پارے کہ اوڑدہی نا وخت آ پرنس رحیم آغا خان تون خاص وڑ اٹ جان جوڑی نا بشخ اٹ خذمت، کشت و کار،خلقی شونداری، موسمیاتی لچک و ورنا و زالبول آتے واکدار جوڑ کننگ نا بشخ آتیٹی تینا مریسمدی شریداری ءِ پین سوگو کننگ نا وڑ و پیم آتیا گپ و تران کریٹ ۔ وزیراعظم پارے کہ ای پرنس رحیم آغا خان نا پاکستان تون خذمت و شریداری نا دا قابلِ ذکر میراث ءِ مون آ دننگ نا عزم ءِ قدر انا نظر اٹ ہریوہ و زوت ہیاوڑتون دُوارہ اوڑدہی نا چاری اُٹ۔
