قائم مقام چیئرمین سینیٹ تون مالدیپ نا سپیکر نا کماشی ٹی پارلیمانی ڈل انا اوڑدہی،ہڑتوم آ کنڈآتا کمک نا مون آ دننگ نا بابت گپ و تران

اسلام آباد۔ 25 ستمبر (اے پی پی)قائم مقام چیئرمین سینیٹ سیدال خان ناصر پارینے کہ پاکستان و مالدیپ نا نیام اٹ متکن برادرانہ تعلقداری تین پہ تینی عزت، پت و اسیجائی فائدہ غاتیا تالان ءِ ہرافتے پارلیمانی سفارت کاری و عملی کمک نا کمک اٹ پین سوگو کننگ مریک۔ او مالدیپ نا پیپلز مجلس نا سپیکر عبدالرحیم عبداللہ نا کماشی ٹی پارلیمانی ڈل اتون اسلام آباد اٹ اوڑدہی نا وخت آ گپ و تران کریکہ۔ اوڑدہی ٹیہڑتوم آ کنڈآتا تعلقداری ، پارلیمانی رابطہ ، واپار و زرکاری، تعلیم، دفاع، سیل و سوات ، موسمیاتی بدلی، السی رابطہ و تین پہ تینی است خواہی نا ایلوامورآ گپ و تران کننگا۔ قائم مقام چیئرمین سینیٹ مالدیپ نا سپیکر و پارلیمانی ڈل ءِ بخیر کرسا پارے کہ پاکستان مالدیپ تون ہڑتوم آ کنڈآتا کہول آن بیدس سارک، او آئی سی و اقوام متحدہ تون اوار کثیرالجہتی فورم آتیا ہم کمک ءِ اہمیت ایتک۔ سیدال خان ناصر پارلیمانی سفارت کاری ءِ ہڑتوم آ ملک آتا نیام اٹ تعلقداری تاپینمون آ دننگ نا گچین ذریعہ گوندسا پارے کہ پارلیمانی ڈل آتا باقاعدہ ہن و بر، آزموندہ غاتا شریداری و ادارہ جاتی رابطہ غاتا کمک اٹ تین پہ تینی مفاہمت ءِ پینمون آ دننگ مریک ۔