اسلام آباد۔ 17 جولائی (اے پی پی) نیشنل کمانڈ اینڈ آپریشن سینٹر(این سی او سی) کوروناوائرس نا بابت تازہ انگا و پک حساب وکتاب ءِ جاری کرینے، اسہ لکھ 83 ہزار 737 ناجوڑ کوروناوائرس ءِ شکست ترسا پورو دراخ جوڑ مسنو، آزاد کشمیر و بلوچستان اٹی اسہ ناجوڑاس ہم وینٹی لیٹر آ اف۔ تدوک آ 24 گھنٹہ ٹی 23 ہزار 907 ٹیسٹ کننگا ہرافتے ٹی 2085پوسکن ءُ مثبت کیس مون آ بس وخت اس کہ پین 49 کورونا ناجوڑ زوال کرینو۔ این سی او سی نا رداٹ داوخت آ مچ آ ملک اٹی 70 ہزار 787ناجوڑ کوروناایکٹو کیس ءُ۔ تدوک آ 24 گھنٹہ ٹی مروک آ ٹیسٹ آتیٹی سندھ انا 10574، پنجاب نا 7368، کے پی کے نا 2303، اسلام آباد نا 2861، بلوچستان نا 289، گلگت بلتستان نا 124 و آزاد کشمیر نا 388 ٹیسٹ اوار ءِ۔ ملک انا چندی بشخ آتیٹی 323ناجوڑ وینٹی لیٹر آٹی ءُ وخت اس کہ 1825 وینٹی لیٹر کوروناناجوڑ آتیکن جتا کننگانے۔ داتم اسکان مچ آ ملک اٹی کورونا نا جم زہمی تا کچ 2 لکھ 59 ہزار 998 ءِ، داتم اسکان مچ آ ملک اٹی کورونا غان 5 ہزار 475 مرک مسنے ہرافتے ٹی سندھ انا 1922، پنجاب نا 2059، کے پی کے 1124، اسلام آباد نا 157، بلوچستان نا 128، گلگت بلتستان نا 39 و آزاد کشمیر نا 46 مرک اوار ءُ۔ ملک انا 733 ہسپتال آتیٹی 2939 کورونا ناجوڑ درمان مننگ ءُ۔
