وزیر خارجہ شاہ محمود قریشی کوویڈ۔ 19 ءِ شکست تننگ آن پد دفتر اٹ تینا زمواری تے دُوارہ سنبھالا، وزیر خارجہ نا ٹویٹ

اسلام آباد۔ 17 جولائی (اے پی پی) وزیر خارجہ شاہ محمود قریشی کوویڈ۔ 19 ءِ شکست تننگ آن پد دفتراٹ تینا زمواری تے دُوارہ سنبھالانے۔ جمعہ نادے آ تینا اسہ ٹویٹ اسے ٹی وزیر خارجہ پبی مخ تفی و نیک است خواہی تیکن تینا غٹ کرم فرماتا منت واری ءِ ہرفسا پارے کہ ای خوش قسمت اُٹ کہ کوویڈ۔ 19 آن پد دُوارہ تینا دفتر آ پدی بسونٹ۔ مسہ جولائی آ وزیر خارجہ کوویڈ۔ 19 ٹیسٹ مثبت بننگ آ تینے اُراٹی آئسولیٹ کریسس و ہموکان دفتری باندات آتے سرتسکہ۔ شاہ محمود قریشی پاکستان نا غٹ طبی عملہ و فرنٹ لین ورکرآتے دا دین نا برخلاف جنگ اٹ تمبہ گوندسا زبردست خراج تحسین پیش کرینے و پارینے کہ ای اوفتے سلوٹ کیوہ۔