اسلام آباد۔ 16 جولائی (اے پی پی) نیشنل کمانڈ اینڈ آپریشن سینٹر(این سی اوسی) کوروناوائرس نا بابت تازہ انگا و پک حساب وکتاب ءِ جاری کرینے، اسہ لکھ 78 ہزار 737 بندغ کوروناوائرس ءِ شکست ترسا پورو دراخ جوڑ مسنو، آزاد کشمیر و بلوچستان اٹی اسہ ناجوڑ اس ہم وینٹی لیٹر آ اف، تدوک آ 24 گھنٹہ ٹی 24 ہزار 262 ٹیسٹ کرے ہرافتے ٹی 2145پوسکن ءُ مثبت کیس رپورٹ مس۔ تدوک آ 24 گھنٹہ ٹی مروک آ ٹیسٹ آتیٹی سندھ انا 11060، پنجاب نا 7493، کے پی کے نا 1875، اسلام آباد نا 2710، بلوچستان نا 499، گلگت بلتستان نا 131 و آزاد کشمیر نا 494ٹیسٹ اوار ءُ۔ ملک انا چندی بشخ آتیٹی 330 ناجوڑ وینٹی لیٹر آٹی ءُ وخت اس کہ 1825 وینٹی لیٹر کورونا ناجوڑ آتیکن جتا کننگانے۔ داتم اسکان مچ آ ملک اٹی کورونا نا جم زہمی تا کچ 2 لکھ 57 ہزار 914ءِ ہرافتے ٹی آزاد کشمیر نا 1771، بلوچستان نا 11322، پنجاب نا 88539، کے پی کے نا 31271و سندھ انا 108913بندغ اوار ءُ۔ داتم اسکان مچ آ ملک اٹی کورونا غان 5 ہزار 426 مرک مسنے ہرافتے ٹی سندھ انا 1888، پنجاب نا 2051، کے پی کے نا 1120، اسلام آباد نا 156، بلوچستان نا 127، گلگت بلتستان نا 38و آزاد کشمیر نا 46 مرک اوار ءُ۔ ملک انا 733 ہسپتال آتیٹی 3321 کوروناناجوڑ درمان مننگ ءُ۔
