اسلام آباد۔ 15 جولائی (اے پی پی) وزیراعظم نا خصوصی کمکار راجی رکھ و تخفیف نیزگاری ڈاکٹر ثانیہ نشتر ٹویٹر آ اسہ ویڈیو کلہو اس جاری کرینے۔ دامعلوماتی ویڈیو ہمو بندغ آتیکن ءِ ہراخاہوت آتا اہل بندغ آک زوال کرینو، اوفتا آسانی کن احساس ایمرجنسی کیش انا رداٹ خواست انا وڑوڈول اس جوڑ کننگانے، دا بندغ آک درکار کوائف اتون تینا درخواست آتے ڈاکٹر ثانیہ نشتر نا پن ایف بلاک سیکرٹریٹ اسلام آباد نا ڈس ءُ نشان آ مون تننگ کیرہ۔ احساس ایمرجنسی کیش انا صوبائی و علاقائی لحاظ اٹ داتم اسکان بشخوک آ زرانا سرجم ہم جاری کننگانے، مچ آ ملک اٹی داتم اسکان اسہ کروڑ 26 لکھ 89 ہزار آن زیات حقدار بندغ آتیٹی 153 ارب 55 کروڑ روپئی آن زیات زر بشخنگانے۔ پنجاب اٹی 57 لکھ 58 ہزار آن زیات بندغ آتے ٹی 69 ارب 68 کروڑ روپئی بشخنگانے۔ بلوچستان اٹی 7 ارب 73 کروڑ روپئی 6 لکھ 36 ہزار آن زیات بندغ آتے ٹی زر بشخنگانے۔ خیبرپختونخوا ٹی 21 لکھ 60 ہزار آن زیات بندغ آتے ٹی 26 ارب 23 کروڑ روپئی بشخنگانے۔ سندھ اٹی 45 ارب 46 کروڑ روپئی 37 لکھ 69 ہزار آن زیات بندغ آتے ٹی بشخنگانے۔ آزاد کشمیر اٹی 2 لکھ 5 ہزار آن زیات بندغ آتے ٹی 2 ارب 51 کروڑ روپئی بشخنگانے۔ گلگت بلتستان اٹی 90 ہزار آن زیات بندغ آتے ٹی 1 ارب 10 کروڑ روپئی آن زیات زر بشخنگانے۔ اسلام آباد اٹی 80 کروڑ روپئی آن زیات زر 66 ہزار آن زیات بندغ آتیٹی بشخنگانے۔
