بلوچستان ءِ سر وزیر ءَ سول ہسپتال کوئٹہ ءَ تیزاب  ماریچگ ءِ ساھت ءَ لیڈی ڈاکٹر ءِ کمک کنوکیں بامرد ءُ  آئی ءِ برات  ءَ را   سرکاری نوکری  دیگ ءِ جار جتگ

کوئٹہ۔ 16 اگست (اے پی پی): بلوچستان ءِ سر وزیر میر سرفراز بگٹی ءَ ورنا عبدالرازق خلجی ءُ آئی ءِ برات ءِ واستہ سرکاری نوکریانی جار جتگ کہ آہاں سول ہسپتال کوئٹہ ءَ وھد ءِ سر ءَ تیزاب ءِ اُرش ءِ آماچیں زالبولیں ڈاکٹر ماہ نور ناصر ءِ کمک کتگ ءُ آہانی انسانیت ، مزن جگری  ءُ دلیری ءِ احساس ءَ را شگر ءُ منت گپتگ۔ اے گپ آئی ءَ بنجاہی وزیر سیکرٹریٹ ءَ عبدالرازق خلجی ءُ آئی ءِ براتانی گوما گند ءُ نند ءِ ساھت ءَ کت۔ اے موہ ءِ سر ءَ بنجاھی وزیر بلوچستان ءَ گوشت کہ عبدالرازق خلجی ءَ انسان دوستیں ھمدردی ءِ درشانی کتگ ءُ آماچیں لیڈی ڈاکٹر ءِ کمک کتگ ءُ وتی جان ءِ ھیال داری ءَ نہ کتگ۔ اے وڑیں دلیر، ڈیوٹی ءِ سرا عمل کنوکیں ءُ انسان دوستیں ورنا چاگرد ءِ ھاترا مثالی رول ماڈل انت۔ مارا عبدالرازق خلجی ءِ وڑیں ورنا آنی سر ءَ پھر انت کہ آ مشکلیں جاور آنی تہ ءَ وتی ذمہ واری ءَ را سما کنان ءَ دومی ءِ کمک ءِ واستہ دیم ءَ کاینت، نوکیں نسل ءَ را اے وڑیں دلیریں ورنا آں چہ دربرگ لوٹ ایت۔ بنجاھی وزیر ءَ گوشت کہ حکومت اے رنگیں شہری آنی ازمت آناں دلبڈی دنت ءُ من ایت کہ آ انسانی جان آنی رکھینگ ءُ ضلورت مندیں مردم آنی کمک ءَ وھد ءِ سر ءَ جوانیں رنگ ءَ کرد پیلو کن اَنت۔ بلوچستان ءِ سر وزیر ءَ عبدالرازق خلجی ءُ آئی ءِ برات ءِ واستہ سرکاری نوکریانی جار جنان ءَ گوشت کہ آھانی بہادری ءُ انسانیت ءِ جوش چاگرد ءِ واستہ یک جوانیں درور انت۔ اے موہ ءِ سر ءَ عبدالرازق خلجی ءُ آئی ءِ براتاں بلوچستان ءِ سر وزیر ءِ شگر ءُ منت گپت کہ آئی ءَ وھد ءِ سر ءَ گہتریں الاج ءُ ھیال داری ، دلبڈی ، رحم ءُ کرم ءُ سرکاری نوکریانی جار جتگ ءُ آھانی واستہ نیکیں واھگ ءِ درشانی کتگ۔ آئی ءَ گوشت کہ بلوچستان ءِ سر وزیر ءِ نیمگ ءَ چہ دلبڈی ایشانی واستہ شرپ ءِ وسیلگ اِنت، وھدیکہ گرانیں وھد ءَ آماچیں مردم آناں کمک ءُ وھد ءِ سر ءَ دلپدردی پجارینگ ءِ واستہ حکومت ءِ گامگیج ستا کرز اَنت۔