صدر آصف علی زرداری ءَ انڈونیشیا ءِ رودراتکی دمگ ءَ بوتگیں شدیدیں زمین چنڈ ءَ چہ جانی تاوان ءِ سر ءَ دلپدردی ءِ درشانی

اسلام آباد۔15اگست  (اے پی پی): صدر آصف علی زرداری ءَ انڈونیشیا ءِ رودراتکی دمگ فلوریس ءِ جزیرہ ءِ نزیک ءَ بوتگیں شدیدیں زمین چنڈ ءِ سبب ءَ مردمانی بیرانی ءُ تاوان ءِ سر ءَ دلپدردی ءُ رنج ءُ گم ءِ درشانی کتگ۔ صدر ءِ مملکت ءِ کارگس ءِ پریس ونگ ءِ رد ءَ شمبے ءِ روچ ءَ سوشل میڈیا پلیٹ فارم فارم ایکس ءِ سر ءَ جاڑی بوتگیں کلوہ ءِ تہ ءَ صدر ءِ مملکت ءَ پاکستان ءِ الس ءِ نیمگ ءَ چہ جانی تاوان ءِ سر ءَ دلپدردی ءِ درشانی کتگ ءُ اے گرانیں وھد ءَ انڈونیشیا ءِ حکومت ءُ الس ءِ گوما یکوئی ءِ درشانی کتگ۔ آئی ءَ گوشت کہ پاکستان ھمک رنگ ءِ کمک ءَ کنگ ءَ تیار انت۔ صدر ءَ زمین چنڈ ءَ ٹپیگیں مردمانی زوت جان سلامتی ءِ دعا ھم کتگ۔