صدر آصف علی زرداری ءَ جنوبی کوریا ءِ سروک ءَ را وتی راجی روچ ءِ درگت ءَ مبارک بات

اسلام آباد۔15اگست  (اے پی پی): صدر آصف علی زرداری ءَ جنوبی کوریا ءِ صدر لی جے میونگ، حکومت ءُ جنوبی کوریا ءِ الس ءَ را راجی روچ ءُ آجوئی ءِ روچ ءِ مبارک بات داتگ۔ شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں پریس ریلیز ءِ رد ءَ صدر ءَ وتی نمدی ءِ تہ ءَ اے گپ ءِ سر ءَ زور پر دات کہ پاکستان ءَ را جنوبی کوریا ءِ گوما وتی دوستی ءِ سیادی ءَ را سک باز ارزشت داتگ۔ آئی ءَ گوشت کہ گوستگیں بازیں دہائی آنی تہ ءَ اے سیادی وت مہ وتی بھروسہ، نزیکیں کمک ءُ دو نیمگی ءُ کثیر نیمگی یکوئی ءِ بنیات ءَ بوتگ۔ صدر ءِ مملکت آصف علی زرداری ءَ دل یکیمی ءِ درشان کت کہ دوئیں ملک سیاسی سیادی، تجارت، سرمایہ کاری ءُ مردم ءِ نیام ءَ رابطہ ءَ ھوار وت مہ وتی سیت ءِ شوبگ آنی تہ ءَ کمک ءَ را گیش کنگ ءَ برجاہ دار اَنت۔ صدر ءِ مملکت ءَ گوشت کہ آ دوئیں راج ءُ وتی اُلس آنی وت مہ وتی فائدگ ءِ واستہ دو نیمگی شریکداری ءَ را گیش مھکم کنگ ءِ واستہ جنوبی کوریا ءِ سروکی ءَ گوں کار کنگ ءِ واھشت مند آں ۔