بلوچستان بلوچستان ضلع خاران ءَ 7 ناشرکار  جھندم ءَ روان دیگ بوتگ

اسلام آباد۔16اگست  (اے پی پی): بلوچستان ءِ ضلع خاران ءَ سیکورٹی فورسز ءَ انٹیلی جنس ءِ بنیات ءَ سوبمندیں آپریشن ءِ تہ ءَ 7 ناشرکار کشگ بوتگ اَنت۔ رد الفتنہ 3 ءِ چیر دستی ءَ سیکورٹی فورسز ءَ خاران ءِ دمگ لاجے ءَ ناشرکار آنی ھست بوھگ ءِ ھال ءِ سر ءَ انٹیلی جنس ءِ بنیات ءَ آپریشن کتگ۔ سیکورٹی فورسز ءَ آپریشن ءِ وھد ءَ فتنہ الخوارج ءِ 7 ناشرکار کش اتگ انت ءُ بازیں ٹپی بوتگ انت۔ سیکورٹی وسیلگ ءِ رد ءَ ناشرکارانی پناہ گاہ ءَ چہ نوکیں سلاہ، مزنیں کساسے ءَ گولہ بارود، دگہ جنگی سامان، 2 گاڑی ءُ یک موٹر سائیکل برآمد کنگ بوتگ۔ سیکورٹی فورسز ءَ آپریشن ءِ وھد ءَ فتنہ الخوارج ءِ ناشرکارانی پناہ گاہ ھم سرجمی ءَ ھلاس کتگ اَنت۔ سیکورٹی وسیلگ ءِ رد ءَ اے ناشرکار خاران ءُ لاج ءَ لٹ ءُ پُل ءِ منصوبگ بندی، زُور ءُ زوراکی، تاوان ءِ واستہ آوار جنگ، ٹارگٹ کیلنگ ءُ وت کُش اُرشانی تہ ءَ ھوار بوتگ اَنت۔ بلوچستان ءَ سیکورٹی فورسز آپریشن رادل الفتنہ 3 ءِ چیر دستی ءَ ناشرکاری ءِ سرجمی ءَ ھلاس کنگ ءِ واستہ آپریشن برجاہ انت۔ ناشرکارانی پدگیری ھما وھد ءَ برجاہ بیت داں گڈی ناشرکار ھلاس کنگ بہ بیت ءُ آھانی منطقی آسر ءَ سر کنگ ءِ ھاترا درستیں المی گامگیج چست کنگ بہ بنت۔