اسلام آباد۔ 15 جولائی (اے پی پی) وزیر خارجہ شاہ محمود قریشی نشتر میڈیکل یونیورسٹی ملتان نا وائس چانسلر و ملک انا پنی آ طبیب ڈاکٹر مصطفیٰ کمال پاشا نا کزیت آ ہڑزخواہی نا درشانی ءِ کرینے و پارینے کہ پروفیسر ڈاکٹر مصطفیٰ کمال پاشانا کزیت نا خبر است ءِ ہسون کرے۔ ڈاکٹر مصطفیٰ کمال پاشا کورونا دین انا برخلاف جنگ ترسا تینٹ ہم دانا گواچی مس۔ وزیر خارجہ پارے کہ پروفیسر ڈاکٹر مصطفیٰ کمال پاشا نا شعبہ طب اٹ خذمت آتے مدام یات تخنگک۔ وزیر خارجہ ایماندار نا بخشش، درجہ غاتا بڑزی و خاہوت کن صبر و جمیل نا دعا کرینے۔
